* കസ്റ്റംസിൻ്റെ ആറര മണിക്കൂർ ചോദ്യംചെയ്യൽ പൂർത്തിയായി. മന്ത്രി കെ ടി ജലീൽ മടങ്ങി
*മുറുകാത്ത കുരുക്ക് മുറുക്കി
വെറുതേ സമയം കളയേണ്ടെന്ന്
മന്ത്രി കെ.ടി. ജലീൽ
ചോദ്യംചെയ്യൽ പൂർത്തിയായതിനെ തുടർന്ന്മ ന്ത്രി കെടി ജലീൽ ഔദ്യോഗിക വാഹനത്തിൽ കസ്റ്റംസ് ഓഫീസിൽ നിന്ന് മടങ്ങി. ഇന്ന് ഉച്ചയോടെയാണ് മന്ത്രി ചോദ്യം ചെയ്യലിനായി കൊച്ചിയിലെ കസ്റ്റംസ് ഓഫീസിൽ എത്തിയത്. ആറര മണിക്കൂറോളം ചോദ്യംചെയ്യൽ നീണ്ടു. ഉന്നത ഉദ്യോഗസ്ഥരുടെ മേൽനോട്ടത്തിൽ ആയിരുന്നു ചോദ്യം ചെയ്യൽ...
മുറുകാത്ത കുരുക്ക് മുറുക്കി വെറുതേ സമയം കളയേണ്ടെന്ന് മന്ത്രി കെ.ടി. ജലീൽ. മാധ്യമങ്ങളിൽ പരസ്യപ്പെടുത്തി മൊഴിയെടുക്കാൻ കസ്റ്റംസ് വിളിച്ചതുകൊണ്ട് ഔദ്യോഗികമായിത്തന്നെ കസ്റ്റംസ് ഓഫീസിലെത്തി കാര്യങ്ങളുടെ നിജസ്ഥിതി ബോദ്ധ്യപ്പെടുത്തിയെന്നും മന്ത്രി പറഞ്ഞു.
എൻഐഎയും ഇഡിയും മൊഴിയെടുക്കാൻ വിളിച്ചത് രഹസ്യമായാണ്. അതിനാലാണ് രഹസ്യമായി പോയതെന്നും മന്ത്രി ഫേസ്ബുക്കിൽ കുറിച്ചു.
ഒരിക്കൽകൂടി താൻ ആവർത്തിക്കുന്നു, ആയിരം ഏജൻസികൾ പതിനായിരം കൊല്ലം തപസിരുന്ന് അന്വേഷിച്ചാലും, സ്വർണക്കള്ളക്കടത്തിലോ, ഏതെങ്കിലും സാമ്പത്തിക തട്ടിപ്പിലോ, അഴിമതിയിലോ, നാട്ടുകാരെ പറ്റിച്ച് ഷെയർ സ്വരൂപിച്ച് തുടങ്ങിയ ബിസിനസ് പൊളിഞ്ഞ കേസിലോ, അവിഹിത സ്വത്ത് സമ്പാദനം നടത്തിയതിന്‍റെ പേരിലോ, പത്തുപൈസ കൈക്കൂലി വാങ്ങിയെന്ന ആരോപണത്തിലോ, തനിക്കെതിരെ സൂക്ഷ്മാണു വലിപ്പത്തിലുള്ള തെളിവുപോലും കൊണ്ടുവരാൻ കഴിയില്ല. സത്യമേവ ജയതേ. ഈ ഉറപ്പാണ്, എന്നെപ്പോലെ സാധാരണക്കാരനായ ഒരു പൊതുപ്രവർത്തകന്‍റെ എക്കാലത്തുമുള്ള ആത്മബലമെന്നും മന്ത്രി പറഞ്ഞു.
തന്‍റെ കഴുത്തിൽ കുരുക്ക് മുറുക്കി മുറുക്കി, മുറുക്കുന്നവർ കുഴയുകയോ കയർ പൊട്ടുകയോ ചെയ്യുമെന്നല്ലാതെ മറ്റൊന്നും സംഭവിക്കില്ല. ഇത് അഹങ്കാരമോ വെല്ലുവിളിയോ അല്ല. തെറ്റ് ചെയ്തിട്ടില്ലെന്ന ഉത്തമബോധ്യത്തിൽ നിന്നുള്ള മനോധൈര്യമാണെന്നും മന്ത്രി കൂട്ടിച്ചേർത്തു.