'കെ.എസ്.എഫ്.ഇ. റെയ്ഡിൽ മുഖ്യമന്ത്രി പറഞ്ഞതാണ് ശരി. എന്റെ വകുപ്പിലും റെയ്ഡ് നടന്നു. ഞാനൊന്നും അറിഞ്ഞിട്ടില്ല. അതൊന്നും നമ്മെ ബാധിക്കില്ല. വിജിലന്സിന് ഏത് സമയത്തും അന്വേഷിക്കാം. ചില ക്രമക്കേടുകൾ വിജിലന്സ് തന്നെ അന്വേഷിക്കണം' സുധാകരന് പറഞ്ഞു.
സാധാരണ അന്വേഷണമാണ് കെഎസ്എഫ്ഇയിൽ നടന്നത്. എന്തെങ്കിലും പ്രശ്നമുണ്ടെങ്കിൽ വകുപ്പ് മന്ത്രിക്ക് റിപ്പോര്ട്ട് ലഭിക്കും. കേന്ദ്ര ഏജന്സികൾ വട്ടമിട്ട് പറന്നാൽ വിജിലന്സിനെ പിരിച്ചുവിടണമെന്നാണോ പറയുന്നതെന്നും സുധാകരന് ചോദിച്ചു.
'ആറ് മാസം മുമ്പ് 12 പി.ഡബ്ല്യു.ഡി ഓഫീസിലാണ് വിജിലന്സ് കയറിയത്. ഞാന് പത്രത്തിലൂടെയാണ് അറിയുന്നത്. അതൊരു മന്ത്രിയായ എന്നെ ബാധിക്കില്ല. അഴിമതിക്കെതിരെ നടപടിയെടുക്കുന്ന ആളെന്ന നിലയിൽ വിജിലന്സ് അഴിമതി കണ്ടെത്തുന്നതിൽ തനിക്ക് സന്തോഷമേയുള്ളൂ' സുധാകരൻ പറഞ്ഞു