പാമ്പാടിക്കാരൻ ന്യൂസ് ടീമിൻ്റെ സഞ്ചാരവഴിയിൽ
കണ്ട തദ്ദേശ തെരഞ്ഞെടുപ്പിലെ വേറിട്ട ചിത്രങ്ങൾ ഇവിടെ പങ്കു വയ്ക്കട്ടെ!
ഓരോ തെരഞ്ഞെടുപ്പിലും പല കാഴ്ചകൾ നമ്മൾ കാണാറുണ്ട് ... അതിൽ നിന്നെല്ലാം വ്യത്യസ്തം ഈ കാഴ്ച..
പാമ്പാടിക്കാരൻ വാകത്താനത്ത് എത്തിയാലും മറിച്ച് വാകത്താനം കാരൻ പാമ്പാടിയിൽ എത്തിയാലും ഒന്ന് ഞെട്ടും .... കാരണമെന്താണ്? കിലോമീറ്ററുകൾ അകലമുള്ള ഈ പഞ്ചാത്തുകളിൽ ഒരേ പേരിൽ രണ്ട് സ്ഥാനാർഥികൾ ... ഇതിൽ അത്ഭുതമൊന്നും ഇല്ല.
ഇനിയുള്ള കാര്യങ്ങളാണ് ഈ വിഷയം നിങ്ങളുടെ മുന്നിൽ എത്തിക്കാൻ ഞങ്ങളെ പ്രേരിപ്പിച്ചത്.
സ്ഥാനാർഥിയുടെ പേര്
ഏലിയാമ്മ അനിൽ
പാമ്പാടിയിലും വാകത്താനത്തും.
തീർന്നിട്ടില്ല!!!
രണ്ടു പേരുടെയും വിളിപ്പേര്
ഷൈനി അനിൽ.
മത്സരിക്കുന്ന വാർഡ് രണ്ടിടത്തും 19 ആം വാർഡ്
മുന്നണി യുഡിഎഫ് , ചിഹ്നമോ കൈപ്പത്തിയും.
മറ്റൊരു സവിശേഷത കൂടിയുണ്ട് . രണ്ടു പേരും മണർകാടുകാർ. , ...സ്കൂൾ, കോളജ് വിദ്യാഭ്യാസവും ഒരുമിച്ച് . മണർകാട് സെൻ്റ് മേരീസ് സ്ക്കൂളിലും , കോളേജിലും ,രണ്ടു പേരുടെയും മാതൃ ഇടവക മണർകാട് പള്ളി. ഒപ്പം ബന്ധുക്കളും.
ഇരുവരുടെയും തെരഞ്ഞെടുപ്പ് പോസ്റ്ററുകൾ ഒന്നിച്ച് വച്ചാൽ സ്ഥലപ്പേരും , ഫോട്ടോയും നോക്കിയില്ലെങ്കിൽ ആശയക്കുഴപ്പമുണ്ടാകും, ഉറപ്പ്....