ന്യൂഡൽഹി: രാജ്യത്ത് കോവിഡ് ബാധിതരുടെ എണ്ണം ഒരു കോടി പിന്നിട്ടു. വേൾഡോമീറ്റർ കണക്കുകൾ പ്രകാരം ഇന്ത്യയിലെ ആകെ കോവിഡ് ബാധിതരുടെ എണ്ണം 10,031,659 ആയി ഉയർന്നു. ഒന്നരലക്ഷത്തോളം പേർ മരണപ്പെടുകയും ചെയ്തു.
എന്നാൽ കോവിഡ് വ്യാപനത്തിന്‍റെ തോത് കുറഞ്ഞത് രാജ്യത്തിന് ആശ്വാസമാകുകയും ചെയ്തിട്ടുണ്ട്. ഇതുവരെ 95.50 ലക്ഷം പേർ കോവിഡിൽനിന്ന് മുക്തരാകുകയും ചെയ്തു. കോവിഡ് ബാധിതരുടെ എണ്ണത്തിൽ അമേരിക്കയ്ക്കു പിന്നിൽ രണ്ടാമതാണ് ഇന്ത്യ. മൂന്നാം സ്ഥാനത്ത് ബ്രസീൽ ആണ്.
ശനിയാഴ്ച പുതിയ 25,152 കേസുകളാണ് രാജ്യത്ത് റിപ്പോർട്ട് ചെയ്തത്. 24 മണിക്കൂറിനുള്ളിൽ 347 മരണങ്ങളും റിപ്പോർട്ട് ചെയ്തു. മരണനിരക്കും രാജ്യത്ത് കുറഞ്ഞുവരികയാണ്. 1.45 ആണ് രാജ്യത്തെ നിലവിലെ കോവിഡ് മരണനിരക്ക്.
