ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 50,848 പേർക്ക് കോവിഡ് സ്ഥിരീകരിച്ചു. ഇതോടെ ആകെ കോവിഡ് സ്ഥിരീകരിച്ചവരുടെ എണ്ണം 3,00,28,709 ആയി. 68,817 പേര് രോഗമുക്തി നേടി. രാജ്യത്ത് 96.56 ശതമാനമാണ് രോഗമുക്തി നിരക്ക്.
കഴിഞ്ഞ 24 മണിക്കൂറിനിടെ 1,358 പേരുടെ മരണവും സ്ഥിരീകരിച്ചതോടെ ആകെ കോവിഡ് മരണം 3,89,302 ആയി ഉയർന്നു. നിലവിൽ രാജ്യത്ത് രോഗം ബാധിച്ച് ചികിത്സയിൽ ഉള്ളത് 6,43,194 പേരാണെന്ന് കേന്ദ്ര ആരോഗ്യമന്ത്രാലയം അറിയിച്ചു.