രണ്ട് വകുപ്പുകളും രണ്ട് മന്ത്രിമാരും യോഗം ചേർന്നെടുത്ത തീരുമാനത്തിന്റെ ഭാഗമായുണ്ടായ ഉത്തരവ് മുഖ്യമന്ത്രി കണ്ടിട്ടുണ്ടോ. നിയമവകുപ്പ് പരിശോധിച്ചിട്ടുണ്ടോ. മന്ത്രിസഭയുടെയോ എൽ ഡി എഫിന്റെയോ അനുമതി ഉണ്ടായിട്ടുണ്ടോ. സിപിഎം, സിപിഐ പാർട്ടികൾ അറിഞ്ഞിട്ടുണ്ടോ എന്നതെല്ലാം വ്യക്തമാക്കണം.
വനം മന്ത്രിയും റവന്യു മന്ത്രിയും കാര്യങ്ങൾ മറച്ചു വെക്കുകയാണ്. കർഷകരെ സഹായിക്കുന്നതിനാവശ്യമായ രീതിയിൽ ഉത്തരവ് പുതുക്കുമെന്ന് പറയുന്നത് കാപട്യമാണ്. കർഷകരെ സഹായിക്കാൻ നിയമത്തിലും ചട്ടത്തിലുമാണ് ഭേദഗതി വരുത്തേണ്ടത്.
മരം മുറിച്ചാൽ പരാതി നൽകേണ്ടത് തഹസിൽദാരോ വില്ലേജ് ഓഫീസറോ ആണ്. അവർ ഇതുവരെ പരാതി നൽകിയിട്ടില്ല. ഇത് മനപ്പൂർവമായി കേസ് ദുർബലപ്പെടുത്താനാണ്. വയനാട്ടിൽ മാത്രമാണ് കലക്ടർ ഇപ്പോൾ പരാതി നൽകിയിരിക്കുന്നത്. റവന്യു-വനംവകുപ്പ് ഉദ്യോഗസ്ഥരും ഇടത് രാഷ്ട്രീയ നേതാക്കളും ചേർന്ന് മരം വെട്ടിയെന്നും പ്രതിപക്ഷ നേതാ് ആരോപിച്ചു.