ഷിംല: ഹിമാചല് പ്രദേശിലെ കിന്നോറില് മണ്ണിടിച്ചിലിനെ തുടര്ന്നുള്ള അപകടത്തില് ഒന്പത് പേര് മരിച്ചു. വിനോദ സഞ്ചാരികള് സഞ്ചരിച്ചിരുന്ന വാഹനത്തിനു മുകളിലേക്ക് കൂറ്റന് പാറകള് വീണാണ് അപകടമുണ്ടായത്.
അപകടത്തില് മൂന്ന് പേര്ക്ക് പരിക്കേറ്റു. ഇവരെ സമീപത്തെ ആശുപത്രിയിലേക്ക് മാറ്റിയതായി പോലീസ് അറിയിച്ചു. മലയുടെ മുകളില് നിന്ന് പതിച്ച വലിയ പാറകഷ്ണങ്ങള് വീണ് സാംഗ്ല താഴ്വരയുടെ സമീപത്ത് നിർത്തിയിട്ടിരുന്ന കാറുകളും തകര്ന്നു. ഒരു പാലവും തകർന്നു.
ഇന്തോ-ടിബറ്റന് പോലീസിന്റെ നേതൃത്വത്തിലാണ് രക്ഷാപ്രവർത്തനം നടത്തിയത്.