പുതുക്കാട് റെയില്‍വെ ട്രാക്കിനുസമീപം ആളൊഴിഞ്ഞ പറമ്പിലെ കിണറ്റില്‍ സുഹൃത്തുക്കളെ മരിച്ച നിലയില്‍ കണ്ടെത്തി.
പുതുക്കാട് വടക്കെ തൊറവ് സ്വദേശികളായ കൈപ്പഞ്ചേരി വിജയന്‍(52), മാരാത്ത് വേണു(66) എന്നിവരാണ് മരിച്ചത്.
വ്യാഴാഴ്ച മുതല്‍ ഇവരെ കാണാനില്ലായിരുന്നു.
ബന്ധുക്കള്‍ പുതുക്കാട് പൊലീസില്‍ പരാതി നല്‍കിയിരുന്നു.
മൃതദേഹങ്ങള്‍ക്ക് 2 ദിവസത്തെ പഴക്കമുള്ളതായി കരുതുന്നു.
പുതുക്കാട് പൊലീസും അഗ്നിരക്ഷാസേനയും സ്ഥലത്തെത്തിയാണ് മൃതദേഹം പുറത്തെടുത്തത്.