കാസർഗോഡ്: കുമ്പള സീതാംഗോളിമുഗുവിൽ ജ്യേഷ്ഠന്റെ കുത്തേറ്റ് അനിയൻ മരിച്ചു. അബ്ദുള്ള മുസ്ലിയാരുടെ മകൻ നിസാർ (35) ആണ് മരിച്ചത്. ഇയാളെ കുത്തിയ സഹോദരൻ റഫീഖ് സംഭവസ്ഥലത്ത് നിന്നും ഓടി രക്ഷപെട്ടു. ഇയാൾക്കായി പോലീസ് തെരച്ചിൽ തുടങ്ങി.
വാക്കുതർക്കത്തിനൊടുവിൽ ജ്യേഷ്ഠൻ അനുജനെ കുത്തിവീഴ്ത്തുകയായിരുന്നു. പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.