ഐ.സി.എസ്.ഇ പത്താംക്ലാസ്, ഐ.എസ്.സി പന്ത്രണ്ടാം ക്ലാസ് പരീക്ഷാഫലം ഇന്ന് വൈകിട്ട് മൂന്ന് മണിക്ക് പ്രഖ്യാപിക്കും. cisce.org എന്ന സൈറ്റ് വഴി വിദ്യാര്‍ത്ഥികള്‍ക്ക് ഫലമറിയാം. കൂടാതെ 09248082883 എന്ന നമ്പറില്‍ എസ്.എം.എസ് അയച്ചും ഫലം അറിയാം.
കോവിഡ് വ്യാപന പശ്ചാത്തലത്തില്‍ പൊതു പരീക്ഷ നടത്തിയിരുന്നില്ല. പകരം ഇന്റെണല്‍ മാര്‍ക്കിന്‍റെ അടിസ്ഥാനത്തില്ലാണ് ഫലം തയ്യാറാക്കിയത്. പ്രത്യേക മൂല്യനിര്‍ണയം നടത്താന്‍ സുപ്രീംകോടതി നിര്‍ദേശിച്ചതിന്‍റെ അടിസ്ഥാനത്തിലാണ് ഫലപ്രഖ്യാപനം. എന്നാല്‍ സി.ബി.എസ്.ഇ പന്ത്രണ്ടാം ക്ലാസ് പരീക്ഷാഫലം ജൂലൈ 31ന് പ്രഖ്യാപിക്കും.
എസ്.എം.എസ് അയക്കേണ്ട രൂപം
ഐ.സി.എസ്.ഇ ഫലം :
ICSE എന്ന് ടൈപ്പ് ചെയ്ത് സപേയ്സ് ഇട്ട ശേഷം വിദ്യാര്‍ഥിയുടെ ഐ.ഡി ടൈപ്പ് ചെയ്യുക. (ICSE) ഇത് 09248082883 എന്ന നമ്പറിലേക്ക് എസ്.എം.എസ് ചെയ്യുക.
ഐ.എസ്.സി ഫലം :
ISC എന്ന് ടൈപ്പ് ചെയ്ത് സപേയ്സ് ഇട്ട ശേഷം വിദ്യാര്‍ഥിയുടെ ഐ.ഡി ടൈപ്പ് ചെയ്യുക. (ISC) ഇത് 09248082883 എന്ന നമ്പറിലേക്ക് എസ്.എം.എസ് ചെയ്യുക.