തിരുവനന്തപുരം: തിരുവനന്തപുരം വഞ്ചിയൂർ കോടതിയിൽ അഭിഭാഷകരുടെ കയ്യേറ്റം. അഭിഭാഷകർ മാധ്യമ പ്രവർത്തകരെ കയ്യേറ്റം ചെയ്തായി പരാതി.മാധ്യമപ്രവര്ത്തകന് കെ എം ബഷീര് വാഹനമിടിച്ച് മരിച്ച കേസിലെ പ്രതികളായ ശ്രീറാം വെങ്കിട്ട രാമന്റെയും വഫ ഫിറോസിന്റെയും ദൃശ്യങ്ങള് പകര്ത്താന് ശ്രമിക്കുന്നതിനിടെയാണ് ആക്രമണം.
സിറാജ് ഫോട്ടോഗ്രാഫർ ശിവജിക്ക് മർദ്ദനമേറ്റു. മൊബൈലും തിരിച്ചറിയൽ കാർഡും തട്ടിപ്പറിച്ചു. പത്രപ്രവർത്തക യൂണിയൻ നേതാവ് സുരേഷ് വെള്ളിമംഗലത്തിന് നേരെയും കൈയ്യേറ്റ ശ്രമം ഉണ്ടായി.മുമ്പും കോടതിയിൽ വച്ച് മാധ്യമ പ്രവർത്തകർക്ക് നേരെ അഭിഭാഷകരുടെ കയ്യേറ്റം ഉണ്ടായിട്ടുണ്ട്.
ഇതിന് മുന്പും വഞ്ചിയൂര് കോടതിയില് വാര്ത്താ റിപ്പോര്ട്ടിങ്ങിനെത്തിയ മാധ്യമപ്രവര്ത്തകര്ക്ക് നേരെ അഭിഭാഷകര് അക്രമം നടത്തിയിട്ടുണ്ട്. അഭിഭാഷകരുടെ ആക്രമണങ്ങള് കാരണം കോടതി വളപ്പില് മാധ്യമപ്രവര്ത്തകര്ക്ക് കയറാന് സാധിക്കാത്ത സാഹചര്യമാണുള്ളത്.