മൂന്നാം തരംഗം തടയാന്‍ ജനം കരുതലോടെ ഇടപെടണം. മാസ്‌ക് ധരിക്കാതെ ആളുകള്‍ പുറത്തിറങ്ങുന്നത് കാണുമ്പോള്‍ ദുഃഖം തോന്നുന്നു. അത്യാവശ്യങ്ങള്‍ക്ക് മാത്രം പുറത്തിറങ്ങുക, ആ സമയത്ത് രണ്ട് മാസ്‌ക് ധരിക്കണം. ജനങ്ങള്‍ അനാവശ്യമായി പുറത്തിറങ്ങി കൂട്ടം കൂടിയാല്‍ വീണ്ടും ലോക്ഡൗണ്‍ പ്രഖ്യാപിക്കേണ്ടി വരും.
വാക്‌സിനേഷന്‍ മാത്രമാണ് ഈ മഹാമാരിയെ പ്രതിരോധിക്കാനുള്ള ഏകവഴി. അതിനാല്‍ ജനങ്ങള്‍ രണ്ട് ഡോസ് വാക്‌സിനും സ്വീകരിക്കണം. ഒന്നും രണ്ടും തരംഗത്തേക്കാള്‍ വളരെ മോശം അവസ്ഥയാകും മൂന്നാം തരംഗത്തില്‍ ഉണ്ടാകുകയെന്നാണ് ഡോക്ടര്‍മാര്‍ നല്‍കുന്ന മുന്നറിയിപ്പ്. കേരളത്തിലും കര്‍ണാടകയിലും മഹാരാഷ്ട്രയിലും രോഗികളുടെ എണ്ണം വര്‍ധിക്കുന്നതും അദ്ദേഹം ചൂണ്ടിക്കാട്ടി.