ഇന്ന് വൈകുന്നേരം അഞ്ച് മണിക്കാണ് ശ്രീജേഷ് നെടുമ്പാശേരി വിമാനത്താവണത്തില്‍ എത്തുന്നത്. ഇവിടെ സംസ്ഥാന സര്‍ക്കാര്‍ ഔദ്യോഗിക സ്വീകരണം നല്‍കും. കായിക മന്ത്രി എ അബ്ദുറഹ്മാന്‍ നേരിട്ടെത്തും.
സംസ്ഥാന സ്‌പോര്‍ട്‌സ് കൗണ്‍സില്‍, ഒളിംപിക് അസോസിയേഷന്‍, ഹോക്കി അസോസിയേഷന്‍ എന്നിവയുമായി ചേര്‍ന്നാണ് സ്വീകരണം. സ്വദേശമായ കിഴക്കമ്പലത്തും വലിയ സ്വീകരണമാണ് ശ്രീജേഷിനെ കാത്തിരിക്കുന്നത്..
ടോക്യോയില്‍ മെഡല്‍ നേടിയ ശ്രീജേഷിന് സംസ്ഥാന സര്‍ക്കാര്‍ പാരിതോഷികം പ്രഖ്യാപിക്കാത്തതിന് എതിരെ വലിയ വിമര്‍ശനം ഉയര്‍ന്നിരുന്നു. വെങ്കലം നേടിയ ഹോക്കി ടീം അംഗങ്ങള്‍ക്ക് ഉള്‍പ്പെടെ മറ്റ് സംസ്ഥാനങ്ങള്‍ പാരിതോഷികം പ്രഖ്യാപിച്ചിട്ടുണ്ട്.