തിരുനെൽവേലിയിലെ അനധികൃത മണൽക്കടത്ത് കേസിൽ മലങ്കര കത്തോലിക്കാസഭാ ബിഷപ്പിന് ജാമ്യം. ബിഷപ്പ് സാമുവൽ മാർ ഐറേനിയസിനാണ് ജാമ്യം ലഭിച്ചത്. മദ്രാസ് ഹൈക്കോടതി മധുര ബെഞ്ചാണ് ജാമ്യം നൽകിയത്. അംബ സമുദ്രത്തിൽ സഭ വക സ്ഥലം പാട്ടത്തിന് എടുത്തയാൾ മണൽ വാരിയതിന്റെ പേരിലാണ് കേസ്.
നേരത്തെ കേസിൽ പ്രധാന പ്രതിയായ കോട്ടയം സ്വദേശി മാനുവൽ ജോർജ് എന്നയാളേയും അറസ്റ്റ് ചെയ്തിരുന്നു. പത്തനംതിട്ട രൂപതയ്ക്ക് അംബാസമുദ്രത്തിലുളള 300 ഏക്കർ സ്ഥലം അറസ്റ്റിലായ മാനുവൽ ജോർജ് കൃഷിക്കായി കരാർ പ്രകാരം ഏറ്റെടുക്കുകയായിരുന്നു. പിന്നീട് ഇയാൾ കൃഷിയുടെ മറവിൽ വൻതോതിൽ മണൽഖനനം നടത്തിയെന്നാണ് ക്രൈബ്രാഞ്ച് നൽകിയ വിശദീകരണം