മസ്‌കറ്റ്: മരുന്നു കൊണ്ടുവരുന്നവര്‍ കുറിപ്പടിയും കൊണ്ടുവരണമെന്ന് ഒമാന്‍ വിമാനത്താവള അതോറിറ്റി. കുറിപ്പടി ഇല്ലാതെ മരുന്ന് കൊണ്ടുവരാന്‍ യാത്രക്കാര്‍ക്ക് അനുവാദമില്ല. 'നിരവധി യാത്രക്കാര്‍ കുറിപ്പടി ഇല്ലാതെ ധാരാളം മരുന്നുകള്‍ കൊണ്ടുവന്നത് ശ്രദ്ധയില്‍പ്പെട്ടിട്ടുണ്ട്. ആ സാഹചര്യത്തിലാണ് മുന്നറിയിപ്പ് നല്‍കുന്നു. കുറിപ്പടി ഇല്ലാതെ യാത്ര ചെയ്യുന്നവരുടെ യാത്ര വൈകുന്നതിന് ഇടയാക്കി. കൂടാതെ, നിരവധി ഗുളികകള്‍ റോയല്‍ ഒമാന്‍ പോലീസ് പിടിച്ചെടുക്കുന്നതിനും ഇടയാക്കി', ഒമാന്‍ വിമാനത്താവള അധികൃതര്‍ പ്രസ്താവനയിലൂടെ അറിയിച്ചു.