കുവൈറ്റ് സിറ്റി: തിരക്കേറിയ തെരുവിലൂടെ നഗ്നനായി നടന്നയാളെ കുവൈറ്റില് അറസ്റ്റു ചെയ്തു. റോഡിലൂടെ നടക്കുന്ന മറ്റുള്ളവരോട് ആംഗ്യങ്ങള് കാണിച്ച് പെരുമാറുന്നതിന്റെ വീഡിയോ സോഷ്യല് മീഡിയയില് വൈറലായി. പ്രാദേശിക മാധ്യമമാണ് ഇക്കാര്യം റിപ്പോര്ട്ട് ചെയ്തത്. വീഡിയോ വൈറലായി ഏതാനും മണിക്കൂറുകള്ക്ക് ശേഷം, കുവൈറ്റ് തലസ്ഥാനത്തിന്റെ തെക്ക് ഹവല്ലി ഗവര്ണറേറ്റില് കുറ്റവാളിയെ അറസ്റ്റ് ചെയ്തതായി ആഭ്യന്തര മന്ത്രാലയം പ്രസ്താവനയിറക്കി. പ്രതി ഏത് രാജ്യക്കാരനാണെന്ന് ഇതുവരെ പുറത്തുവിട്ടിട്ടില്ല. ഇയാള് ചില മാനസിക പ്രശ്നങ്ങള്ക്ക് ചികിത്സയിലാണെന്നും പ്രാഥമിക അന്വേഷണത്തില് തെളിഞ്ഞതായി മന്ത്രാലയം അറിയിച്ചു. കുവൈറ്റ് നിയമമനുസരിച്ച്, അസഭ്യമായ പ്രവൃത്തികള്ക്ക് ഒരു വര്ഷത്തില് കൂടാത്ത തടവുശിക്ഷയും 1000 ദിനാറില് കവിയാത്ത പിഴയും അല്ലെങ്കില് രണ്ടിലൊന്ന് ലഭിക്കും. രണ്ട് ദിവസം മുമ്പ് ലെബനനില് സമാനമായ സംഭവം റിപ്പോര്ട്ട് ചെയ്തിരുന്നു. അര്ദ്ധനഗ്നയായി ബെയ്റൂട്ടിലെ തെരുവിലൂടെ നടന്നത് വൈറലായിരുന്നു. വെള്ള ഷര്ട്ടും സണ്ഗ്ലാസും ധരിച്ച് സ്ത്രീ നടക്കുന്ന വീഡിയോയാണ് വൈറലായത്. പക്ഷേ, സ്ത്രീയുടെ അരയ്ക്ക് കീഴ്പ്പോട്ട് വസ്ത്രങ്ങള് ഒന്നും ഉണ്ടായിരുന്നില്ല.
തിരക്കേറിയ തെരുവിലൂടെ നഗ്നനായി നടന്നു; കുവൈറ്റില് ഒരാള് അറസ്റ്റില്
jibin
0
Tags
Top Stories