ദുബായിലേക്ക് പോയ വിജയ് ബാബു തിരിച്ചുവരാതെ ഹൈക്കോടതി തീരുമാനം കാത്തിരിക്കുകയാണ്. ഈ വേളയില്‍ വ്യത്യസ്തമായ പ്രതികരണവുമായി രംഗത്തെത്തിയിരിക്കുകയാണ് കെബി ഗണേശ് കുമാര്‍ എംഎല്‍എ. വിജയ് ബാബു വിഷയത്തിലുള്ള ചോദ്യത്തില്‍ നിന്ന് ഒഴിഞ്ഞുമാറുകയാണ് അദ്ദേഹം ചെയ്തത്.
കഴിഞ്ഞ മാസം 24നാണ് വിജയ് ബാബുവിനെതിരെ കോഴിക്കോട് സ്വദേശിനിയായ യുവനടി പീഡന പരാതി നല്‍കിയത്. കേസെടുത്ത പോലീസ് അന്വേഷണം തുടങ്ങിയപ്പോഴേക്കും വിജയ് ബാബു ഇന്ത്യ വിട്ടിരുന്നു. കേസെടുത്ത വിവരം വിജയ് ബാബുവിന് ചോര്‍ന്നുകിട്ടിയെന്നും അതാണ് അദ്ദേഹം വേഗത്തില്‍ രാജ്യം വിട്ടതെന്നും ആക്ഷേപം ഉയരുകയും ചെയ്തു.