ദുബായ്: പ്രവാസികളുടെ താമസ രേഖയായി എമിറേറ്റ്സ് ഐഡി മാത്രം മതിയെന്ന തീരുമാനം യുഎഇയില് നടപ്പില് വന്നു. ദുബായ് ഒഴികെയുള്ള യുഎഇ എമിറേറ്റുകളിലാണ് പുതിയ രീതി നിലവില് വന്നത്. മെയ് 16 മുതല് പാസ്പോര്ട്ടില് പതിപ്പിക്കുന്ന താമസവിസ ഇനി ആവശ്യമില്ല. പകരം അതിലെ വിവരങ്ങളെല്ലാം ഉള്പ്പെടുത്തി നവീകരിച്ച എമിറേറ്റ്സ് ഐഡി മാത്രം മതിയാവും. ഈ തീരുമാനം മെയ് 16 മുതല് നിലവില് വന്നതായി ഫെഡറല് അതോറിറ്റി ഓഫ് ഐഡന്റിറ്റി, സിറ്റിസണ്ഷിപ്പ്, കസ്റ്റംസ് ആന്റ് പോര്ട്ട് സെക്യൂരിറ്റി അധികൃതര് അറിയിച്ചു. 16ന് ശേഷം വിസ സ്റ്റാമ്പിംഗിനും അത് പുതുക്കുന്നതിനും അപേക്ഷ നല്കുന്നവര്ക്കാണ് പുതിയ നിയമം ബാധകമാവുക. അതിന് മുമ്പ് അപേക്ഷ നല്കിയവര്ക്ക് പാസ്പോര്ട്ടില് വിസ സ്റ്റാമ്പ് ചെയ്ത് നല്കുന്ന പഴയ രീതി തന്നെ തുടരും. എന്നാല് മെയ് 16ന് ശേഷം അപേക്ഷ നല്കുന്നവര് വിസയ്ക്കും എമിറേറ്റ്സ് ഐഡിക്കുമായി രണ്ട് അപേക്ഷകള് നല്കേണ്ട കാര്യമില്ല. രണ്ടിനും കൂടി ഒരു അപേക്ഷ നല്കിയാല് മതിയാവും. ഇതിന്റെ ഭാഗമായി എമിറേറ്റ്സ് ഐഡിക്കും വിസ പുതുക്കുന്നതിനുമായി നിലവിലുള്ള രണ്ട് വ്യത്യസ്ത മൊബൈല് ആപ്പുകള് സംയോജിപ്പിച്ച് ഒന്നാക്കി മാറ്റിയതായി അധികൃതര് അറിയിച്ചു. ഇതു വഴി ഒരു അപേക്ഷ നല്കിയാല് തന്നെ രണ്ട് സേവനങ്ങളും ഇനി മുതല് ലഭിക്കും. അതേസമയം, ദുബായില് ഈ മാറ്റം പ്രാവര്ത്തികമായിട്ടില്ല. ഇവിടെ പഴയ രീതിയില് പാസ്പോര്ട്ടില് വിസ പതിക്കുന്ന രീതി തുടരും. വിശദമായ പഠനത്തിന് ശേഷമാണ് താമസ രേഖയുമായി ബന്ധപ്പെട്ട നടപടിക്രമങ്ങള് ലഘൂകരിക്കാന് അതോറിറ്റി തീരുമാനം എടുത്തതെന്നും അധികൃതര് വ്യക്തമാക്കി. താമസ രേഖയുമായി ബന്ധപ്പെട്ട നടപടിക്രമങ്ങള് കൂടുതല് ലളിതവും എളുപ്പവുമാക്കി മാറ്റുകയെന്ന ലക്ഷ്യത്തോടെയാണ് നടപടി. ഇതുമായി ബന്ധപ്പെട്ട നടപടിക്രമങ്ങള്ക്ക് ആവശ്യമായ സമയവും അധ്വാനവും പുതിയ പരിഷ്ക്കാരം നടപ്പിലായതോടെ 30 മുതല് 40 ശതമാനം കണ്ട് കുറയുമെന്ന് ഫെഡറല് അതോറിറ്റി ഓഫ് ഐഡന്റിറ്റി, സിറ്റിസണ്ഷിപ്പ്, കസ്റ്റംസ് ആന്റ് പോര്ട്ട് സെക്യൂരിറ്റി അധികൃതര് അറിയിച്ചു. ഇനി മുതല് എമിറേറ്റ്സ് ഐഡിക്കുള്ള ആപ്ലിക്കേഷന് മാത്രം നല്കിയാല് മതി. മുമ്പത്തെ പോലെ വിസ സ്റ്റാമ്പിംഗിന് പാസ്പോര്ട്ട് എമിഗ്രേഷന് ഓഫീസില് നല്കി കാത്തിരിക്കേണ്ട ആവശ്യവുമില്ല. നിലവില് വിസ സ്റ്റാമ്പിംഗ് കഴിഞ്ഞ കൊറിയര് വഴിയാണ് പാസ്പോര്ട്ട് പ്രവാസികളുടെ കൈകളിലെത്തുന്നത്. ഈ കടമ്പ ഒഴിവാക്കാന് പുതിയ തീരുമാനത്തിലൂടെ സാധിക്കും. പുതിയ മാറ്റങ്ങള് വരുത്തുന്നതിന്റെ മുന്നോടിയായി യുഎഇ എമിറേറ്റ്സ് ഐഡി അടുത്തിടെ വലിയ പരിഷ്ക്കരണത്തിന് വിധേയമാക്കിയിരുന്നു. പാസ്പോര്ട്ടില് സ്റ്റാമ്പ് ചെയ്യുന്ന വിസയില് ഉള്പ്പെടുന്ന മുഴുവന് വിവരങ്ങളും എമിറേറ്റ്സ് ഐഡിയിലും ഉള്പ്പെടുത്തിക്കൊണ്ടായിരുന്നു ഇത്. ഇതുപ്രകാരം പ്രവാസികളുടെ വ്യക്തിപരമായ വിവരങ്ങള്, താമസവുമായി ബന്ധപ്പെട്ട വിശദാംശങ്ങള്, തൊഴില് സംബന്ധമായ കാര്യങ്ങള്, സ്പോണ്സറുമായി ബന്ധപ്പെട്ട വിവരങ്ങള് തുടങ്ങിയവ ഐഡി കാര്ഡിലും ലഭ്യമാണ്. ഇ-ലിങ്ക് സംവിധാനം വഴി എവിടെ വച്ചും വായിച്ചെടുക്കാവുന്ന രീതിയിലാണ് ഈ വിവരങ്ങള് തിരിച്ചറിയല് കാര്ഡില് ഉള്പ്പെടുത്തിയിരിക്കുന്നത്. പുതിയ മാറ്റം നിലവില് വന്നതോടെ വിമാനത്താവളങ്ങളില് പാസ്പോര്ട്ട് പരിശോധിച്ച് വിസ സ്റ്റാമ്പ് ചെയ്തിട്ടുണ്ടെന്ന് ഉറപ്പുവരുത്തുന്ന നിലവിലെ രീതിക്ക് അറുതിയാവും. എമിറേറ്റ്സ് ഐഡി സ്കാന് ചെയ്താല് തന്നെ വിസയുമായി ബന്ധപ്പെട്ട വിവരങ്ങളും സ്ക്രീനില് തെളിയും. വെബ്സൈറ്റും മന്ത്രാലയത്തിന്റെ സ്മാര്ട്ട് ആപ്പും വഴി ലഭിക്കുന്ന എമിറേറ്റ്സ് ഐഡിയുടെ ഡിജിറ്റല് കോപ്പിയും ഇത്തരം സന്ദര്ഭങ്ങളില് ഉപയോഗപ്പെടുത്താനാവുമെന്നും അധികൃതര് അറിയിച്ചു
ദുബായ്: പ്രവാസികളുടെ താമസ രേഖയായി എമിറേറ്റ്സ് ഐഡി മാത്രം മതിയെന്ന തീരുമാനം യുഎഇയില് നടപ്പില് വന്നു. ദുബായ് ഒഴികെയുള്ള യുഎഇ എമിറേറ്റുകളിലാണ് പുതിയ രീതി നിലവില് വന്നത്. മെയ് 16 മുതല് പാസ്പോര്ട്ടില് പതിപ്പിക്കുന്ന താമസവിസ ഇനി ആവശ്യമില്ല. പകരം അതിലെ വിവരങ്ങളെല്ലാം ഉള്പ്പെടുത്തി നവീകരിച്ച എമിറേറ്റ്സ് ഐഡി മാത്രം മതിയാവും. ഈ തീരുമാനം മെയ് 16 മുതല് നിലവില് വന്നതായി ഫെഡറല് അതോറിറ്റി ഓഫ് ഐഡന്റിറ്റി, സിറ്റിസണ്ഷിപ്പ്, കസ്റ്റംസ് ആന്റ് പോര്ട്ട് സെക്യൂരിറ്റി അധികൃതര് അറിയിച്ചു. 16ന് ശേഷം വിസ സ്റ്റാമ്പിംഗിനും അത് പുതുക്കുന്നതിനും അപേക്ഷ നല്കുന്നവര്ക്കാണ് പുതിയ നിയമം ബാധകമാവുക. അതിന് മുമ്പ് അപേക്ഷ നല്കിയവര്ക്ക് പാസ്പോര്ട്ടില് വിസ സ്റ്റാമ്പ് ചെയ്ത് നല്കുന്ന പഴയ രീതി തന്നെ തുടരും. എന്നാല് മെയ് 16ന് ശേഷം അപേക്ഷ നല്കുന്നവര് വിസയ്ക്കും എമിറേറ്റ്സ് ഐഡിക്കുമായി രണ്ട് അപേക്ഷകള് നല്കേണ്ട കാര്യമില്ല. രണ്ടിനും കൂടി ഒരു അപേക്ഷ നല്കിയാല് മതിയാവും. ഇതിന്റെ ഭാഗമായി എമിറേറ്റ്സ് ഐഡിക്കും വിസ പുതുക്കുന്നതിനുമായി നിലവിലുള്ള രണ്ട് വ്യത്യസ്ത മൊബൈല് ആപ്പുകള് സംയോജിപ്പിച്ച് ഒന്നാക്കി മാറ്റിയതായി അധികൃതര് അറിയിച്ചു. ഇതു വഴി ഒരു അപേക്ഷ നല്കിയാല് തന്നെ രണ്ട് സേവനങ്ങളും ഇനി മുതല് ലഭിക്കും. അതേസമയം, ദുബായില് ഈ മാറ്റം പ്രാവര്ത്തികമായിട്ടില്ല. ഇവിടെ പഴയ രീതിയില് പാസ്പോര്ട്ടില് വിസ പതിക്കുന്ന രീതി തുടരും. വിശദമായ പഠനത്തിന് ശേഷമാണ് താമസ രേഖയുമായി ബന്ധപ്പെട്ട നടപടിക്രമങ്ങള് ലഘൂകരിക്കാന് അതോറിറ്റി തീരുമാനം എടുത്തതെന്നും അധികൃതര് വ്യക്തമാക്കി. താമസ രേഖയുമായി ബന്ധപ്പെട്ട നടപടിക്രമങ്ങള് കൂടുതല് ലളിതവും എളുപ്പവുമാക്കി മാറ്റുകയെന്ന ലക്ഷ്യത്തോടെയാണ് നടപടി. ഇതുമായി ബന്ധപ്പെട്ട നടപടിക്രമങ്ങള്ക്ക് ആവശ്യമായ സമയവും അധ്വാനവും പുതിയ പരിഷ്ക്കാരം നടപ്പിലായതോടെ 30 മുതല് 40 ശതമാനം കണ്ട് കുറയുമെന്ന് ഫെഡറല് അതോറിറ്റി ഓഫ് ഐഡന്റിറ്റി, സിറ്റിസണ്ഷിപ്പ്, കസ്റ്റംസ് ആന്റ് പോര്ട്ട് സെക്യൂരിറ്റി അധികൃതര് അറിയിച്ചു. ഇനി മുതല് എമിറേറ്റ്സ് ഐഡിക്കുള്ള ആപ്ലിക്കേഷന് മാത്രം നല്കിയാല് മതി. മുമ്പത്തെ പോലെ വിസ സ്റ്റാമ്പിംഗിന് പാസ്പോര്ട്ട് എമിഗ്രേഷന് ഓഫീസില് നല്കി കാത്തിരിക്കേണ്ട ആവശ്യവുമില്ല. നിലവില് വിസ സ്റ്റാമ്പിംഗ് കഴിഞ്ഞ കൊറിയര് വഴിയാണ് പാസ്പോര്ട്ട് പ്രവാസികളുടെ കൈകളിലെത്തുന്നത്. ഈ കടമ്പ ഒഴിവാക്കാന് പുതിയ തീരുമാനത്തിലൂടെ സാധിക്കും. പുതിയ മാറ്റങ്ങള് വരുത്തുന്നതിന്റെ മുന്നോടിയായി യുഎഇ എമിറേറ്റ്സ് ഐഡി അടുത്തിടെ വലിയ പരിഷ്ക്കരണത്തിന് വിധേയമാക്കിയിരുന്നു. പാസ്പോര്ട്ടില് സ്റ്റാമ്പ് ചെയ്യുന്ന വിസയില് ഉള്പ്പെടുന്ന മുഴുവന് വിവരങ്ങളും എമിറേറ്റ്സ് ഐഡിയിലും ഉള്പ്പെടുത്തിക്കൊണ്ടായിരുന്നു ഇത്. ഇതുപ്രകാരം പ്രവാസികളുടെ വ്യക്തിപരമായ വിവരങ്ങള്, താമസവുമായി ബന്ധപ്പെട്ട വിശദാംശങ്ങള്, തൊഴില് സംബന്ധമായ കാര്യങ്ങള്, സ്പോണ്സറുമായി ബന്ധപ്പെട്ട വിവരങ്ങള് തുടങ്ങിയവ ഐഡി കാര്ഡിലും ലഭ്യമാണ്. ഇ-ലിങ്ക് സംവിധാനം വഴി എവിടെ വച്ചും വായിച്ചെടുക്കാവുന്ന രീതിയിലാണ് ഈ വിവരങ്ങള് തിരിച്ചറിയല് കാര്ഡില് ഉള്പ്പെടുത്തിയിരിക്കുന്നത്. പുതിയ മാറ്റം നിലവില് വന്നതോടെ വിമാനത്താവളങ്ങളില് പാസ്പോര്ട്ട് പരിശോധിച്ച് വിസ സ്റ്റാമ്പ് ചെയ്തിട്ടുണ്ടെന്ന് ഉറപ്പുവരുത്തുന്ന നിലവിലെ രീതിക്ക് അറുതിയാവും. എമിറേറ്റ്സ് ഐഡി സ്കാന് ചെയ്താല് തന്നെ വിസയുമായി ബന്ധപ്പെട്ട വിവരങ്ങളും സ്ക്രീനില് തെളിയും. വെബ്സൈറ്റും മന്ത്രാലയത്തിന്റെ സ്മാര്ട്ട് ആപ്പും വഴി ലഭിക്കുന്ന എമിറേറ്റ്സ് ഐഡിയുടെ ഡിജിറ്റല് കോപ്പിയും ഇത്തരം സന്ദര്ഭങ്ങളില് ഉപയോഗപ്പെടുത്താനാവുമെന്നും അധികൃതര് അറിയിച്ചു