.jpg)
കൊച്ചി: തൃക്കാക്കരയിലെ എൽഡിഎഫ് സ്ഥാനാർത്ഥി ജോ ജോസഫിനെതിരായ അശ്ലീല വീഡിയോ വിവാദത്തിൽ പ്രതികരണവുമായി പ്രതിപക്ഷ നേതാവ് വി ഡി സതീശൻ. വീഡിയോ പ്രചരിപ്പിച്ചവരെ അല്ല അറസ്റ്റ് ചെയ്യേണ്ടതെന്നും, വീഡിയോ സമൂഹമാധ്യമങ്ങളിൽ പങ്കുവച്ചവരേയാണെനന്നും അദ്ദേഹം പറഞ്ഞു. ആ സമയത്ത് വാദി പ്രതിയാകുമെന്നും സതീശൻ പറഞ്ഞു.ഉപതെരഞ്ഞെടുപ്പിന്റെ അവസാന ഘട്ടത്തിൽ വൈകാരികമായ ഒരു വിഷയം ഉയർത്തി കൊണ്ടുവരാൻ മനപ്പൂർവ്വം സൃഷ്ടിച്ച ഒരു സംഭവമാണിതെന്നും അദ്ദേഹം വാർത്താസമ്മേളനത്തിൽ വ്യക്തമാക്കി. സംഭവത്തിൽ ഒരു യുഡിഎഫുകാരനും ഇതിൽ പങ്കില്ല. ആ രീതിയിലേക്ക് തങ്ങൾ പോകില്ലെന്നും അദ്ദേഹം വ്യക്തമാക്കി. മുൻമുഖ്യമന്ത്രി ഉമ്മൻചാണ്ടിയും കുടുംബവും എത്രയോ തവണ അപമാനിക്കപ്പെട്ടു. വനിതാ മാധ്യമപ്രവർത്തകരെ അപമാനിച്ചു. സിപിഎം സൈബർ സംഘങ്ങൾ നടത്തിയ ആക്രമണങ്ങളിൽ എന്തെങ്കിലും നടപടി എടുത്തിട്ടുണ്ടോയെന്നും പ്രതിപക്ഷ നേതാവ് ചോദിച്ചു.തനിക്കെതിരെയും അപവാദങ്ങൾ പ്രചാരണങ്ങൾ സിപിഎം നടത്തിയിട്ടുണ്ട്. ഞാൻ ഇതുവരെ ജീവിതത്തിൽ കാണാത്ത സ്ത്രീയെ കൊണ്ടുവന്നു അപവാദം പ്രചരിപ്പിച്ചു. ഇതിൽ അറസ്റ്റിലായ ആളെ മുഖ്യമന്ത്രിയുടെ ഓഫീസ് ഇടപ്പെട്ട് ജാമ്യത്തിൽ വിട്ടു. എന്ത് നീതിയാണിത്' - സതീശൻ മാധ്യമങ്ങളോട് പറഞ്ഞു.ഇങ്ങനെയൊരു അപവാദ പ്രചരണം നടത്തി തങ്ങൾക്ക് ഒന്നും നേടേണ്ട കാര്യമില്ലെന്നും അദ്ദേഹം കൂട്ടിച്ചേർത്തു. തൃക്കാക്കര ഉപതെരഞ്ഞെടുപ്പിൽ നല്ല ഭൂരിപക്ഷത്തോടെ യുഡിഎഫ് ജയിക്കും. സിപിഎം സ്ഥാനാർത്ഥിക്ക് മാത്രമല്ല കുടുംബം. ഞങ്ങൾക്കും കുടുംബം ഉണ്ടെന്ന് ഓർക്കണമെന്നും അദ്ദേഹം പറഞ്ഞു. തങ്ങൾക്കും കുടുംബം ഉണ്ടെന്നും ഓർക്കണം. ജോ ജോസിനെതിരായ വീഡിയോ പ്രചരിപ്പിച്ചവരെ ന്യായീകരിക്കുന്നില്ല. ഒരു വീഡിയോ ലഭിച്ചാൽ സ്വാഭാവികമായി ചിലരൊക്കെ ഇത് പ്രചരിപ്പിച്ച് കാണും. വീഡിയോ എത്തിച്ച ആളെയാണ് പിടികൂടേണ്ടത്. അപ്പോൾ കാണാമെന്നും കൊച്ചിയിൽ നടന്ന വാർത്താസമ്മേളനത്തിൽ സതീശൻ വ്യക്തമാക്കി.