പാലക്കാട് : പാലക്കാട്ട് വാഹന പരിശോധനയ്ക്കിടെ എക്‌സൈസ് ഉദ്യോഗസ്ഥനെ തട്ടിക്കൊണ്ടുപോകാന്‍ ശ്രമം. സ്റ്റേറ്റ് എക്‌സൈസ് സ്‌ക്വാഡിലെ ഉദ്യോഗസ്ഥനായ സുബിന്‍ കഞ്ചാവ് പരിശോധിക്കുന്നതിനിടെയാണ് വാഹനം നിര്‍ത്താതെ പോയത്. ഇവരെ എക്‌സൈസ് സംഘം പിന്തുടരുന്നതിനിടെ വാളയാര്‍ അട്ടപ്പള്ളത്ത് വെച്ച് ഉദ്യോഗസ്ഥന്‍ വാഹനത്തില്‍ നിന്നും ചാടി രക്ഷപ്പെടുകയായിരുന്നു.
പിന്നാലെ കൊഴിഞ്ഞാമ്പറയില്‍ കഞ്ചാവ് ഉപേക്ഷിച്ച് സംഘം വാഹനവുമായി കടന്നു. വാഹനത്തിലുണ്ടായിരുന്നവരെ കുറിച്ച് ഇതുവരെ വിവരം ലഭിച്ചിട്ടില്ല. എന്നാല്‍ ഇവര്‍ക്കൊപ്പമുണ്ടായിരുന്ന മറ്റൊരു സംഘത്തിലെ അംഗങ്ങളായ കോട്ടയം സ്വദേശികളായ ഫാദില്‍, ജേക്കബ് എന്നിവരെ പൊലീസ് കസ്റ്റഡിയിലെടുത്തു. നിര്‍ത്താതെ പോയ വാഹനത്തിലുണ്ടായിരുന്നവരെ കണ്ടെത്താന്‍ അന്വേഷണം ഊര്‍ജ്ജിതമാക്കി.