കോഴിക്കോട് : കോഴിക്കോട് മെഡിക്കല്‍ കോളേജിലെ ആരോഗ്യ വിദ്യാഭ്യാസ വകുപ്പിന്റെ വാഹനം ഉപേക്ഷിച്ച നിലയില്‍. ജീപ്പില്‍ രക്തക്കറ കണ്ടെത്തിയിട്ടുണ്ട്. മോഷണത്തിന് ശേഷം ജീപ്പ് ഉപേക്ഷിച്ചതാണെന്ന് പൊലീസ് പറഞ്ഞു.
ഇന്ന് പുലര്‍ച്ചെയാണ് മെഡിക്കല്‍ കോളേജ് ആരോഗ്യവിദ്യാഭ്യാസ വകുപ്പിന്റെ വാഹനം ഇരിങ്ങാടന്‍ പള്ളി കെ എം കുട്ടികൃഷ്ണന്‍ റോഡില്‍ നിര്‍ത്തിയിട്ടതായി കണ്ടത്. വാഹനം നിര്‍ത്തി രണ്ട് പേര്‍ ഇറങ്ങി പോയെന്ന് പരിസരവാസികള്‍ പറയുന്നു.
മെഡിക്കല്‍ കോളജ് ക്യാമ്ബസിലെ ലക്ചറര്‍ തിയറ്റര്‍ കോംപ്ലക്‌സില്‍ നിര്‍ത്തിയിട്ട ജീപ്പ് മോഷ്ടിച്ച്‌ കൊണ്ടുപോവുകയായിരുന്നെന്ന് പൊലീസ് പറഞ്ഞു.
വാഹനത്തിന്റെ താക്കോലിടുന്ന ഭാഗം പൊളിച്ചിട്ടുണ്ട്. ഒരു ഭാഗത്തെ ചില്ലും തകര്‍ത്തു. ജീപ്പില്‍ രക്തക്കറയുണ്ട്. മെഡിക്കല്‍ കോളജ് ക്യാമ്പസിന് സമീപം എം.എസ്.എസ് സെന്ററിനടുത്തുള്ള റോഡിലൂടെയാണ് ജീപ്പ് കൊണ്ടുപോയതെന്നാണ് പൊലീസ് നിഗമനം. സമീപത്ത് സി സി ടി വി ദൃശ്യങ്ങളും പരിശോധിക്കുന്നുണ്ട്