ഫ്ലോറിഡ : അമേരിക്കന്‍ മലയാളികളുടെ ഏറ്റവും വലിയ സംഘടനയായ ഫൊക്കാനയുടെ (ഫെഡറേഷന്‍ ഒഫ് കേരള അസോസിയേഷന്‍സ് ഇന്‍ നോര്‍ത്ത് അമേരിക്ക ) പുതിയ പ്രസിഡന്റായി ഡോ. ബാബു സ്റ്റീഫനെയും ജനറല്‍ സെക്രട്ടറിയായി ഡോ.കല ഷാഹിയെയും ഫ്ളോറിഡയില്‍ നടന്ന വാര്‍ഷിക സമ്മേളനം തിരഞ്ഞെടുത്തു. രണ്ട് വര്‍ഷത്തേക്കാണ് ഭാരവാഹിത്വം.
വാഷിംഗ്ടണ്‍ ഡി.സി ആസ്ഥാനമായി പ്രവര്‍ത്തിക്കുന്ന പ്രമുഖ വ്യവസായിയും സാമൂഹ്യ, ജീവകാരുണ്യ പ്രവര്‍ത്തകനുമായ ബാബു സ്റ്റീഫൻ കോട്ടയം താഴത്തങ്ങാടി കുളങ്ങര കുടുംബാംഗമാണ്.
ഇന്തോ- അമേരിക്കന്‍ പ്രസ് ക്ളബ്ബിന്റെ മുന്‍ പ്രസിഡന്റായിരുന്നു. പോള്‍ ചെയ്ത 284 വോട്ടില്‍ 202 വോട്ടുകള്‍ നേടിയാണ് സ്റ്റീഫന്റെ ജയം. ട്രഷററായി ബിജു കൊട്ടാരക്കരയും എക്സിക്യൂട്ടീവ് വൈസ് പ്രസിഡന്റായി ഷാജി വര്‍ഗീസും വിജയിച്ചു. അടുത്ത സമ്മേളനം 2024ല്‍ വാഷിംഗ്ടണ്‍ ഡി.സിയില്‍ നടക്കും.