ചെന്നൈ: വിവാദ പ്രസ്ഥാവനയിൽ കുടുങ്ങി തമിഴ്നാട് സ്പീക്കർ എം അപ്പാവ്. സംസ്ഥാനത്തിന്റെ വികസനത്തിന് ക്രിസ്ത്യൻ മിഷിനറിമാരുടെ പങ്കിനേക്കുറിച്ച് പറഞ്ഞ കാര്യങ്ങളാണ് വിമർശനത്തിന് ഇടവെച്ചിരിക്കുന്നത്. ക്രിസ്ത്യൻ മെഷിനറിമാർ എത്തിയില്ലായിരുന്നുവെങ്കിൽ തമിഴ്നാട് ഇന്ന് ബിഹാർ ആയിരുന്നേനെ എന്നായിരുന്നു സ്പീക്കറുടെ വിവാദ പ്രസ്താവന. ദൈവത്തോട് പ്രാർത്ഥിക്കുകയും ഉപവസിക്കുകയും ചെയ്യുന്ന ജനങ്ങളുടേതാണ് സർക്കാർ എന്നും അദ്ദേഹം പറഞ്ഞു. കത്തോലിക്ക മിഷിനറിമാരാണ് തന്റെ ജീവിതത്തിന് ദിശാബോധം നൽകിയത് എന്നും അപ്പാവ് അവകാശപ്പെട്ടു. തിരുച്ചറപ്പള്ളിയിലെ സെന്റ് പോൾസ് സെമിനാരിയിൽ നടന്ന ഒരു പരിപാടിയിൽ പങ്കെടുക്കുകയായിരുന്നു അദ്ദേഹം. സ്പീക്കർ പറഞ്ഞത് സമൂഹമാധ്യമങ്ങളിൽ വൈറലാകുകയും ചെയ്തിട്ടുണ്ട്.
അദ്ദേഹത്തിന്റെ വാക്കുകൾ ഇങ്ങനെ, "മുഖ്യമന്ത്രി എം കെ സ്റ്റാലിന് അറിയാം ഈ സർക്കാർ രൂപീകരിച്ചത് നിങ്ങൾ എല്ലാവരും കാരണമാണെന്ന്. നിങ്ങൾ മുന്നോട്ട് പോകുക.നിങ്ങളുടെ മുഖ്യമന്ത്രിയുമായി സംസാരിക്കുക, ഞാൻ നിങ്ങളെ പിന്തുണയ്ക്കും. നിങ്ങളെ ഇവിടെ നിന്നും പുറത്താക്കിയാൽ തമിഴ്നാട്ടിൽ ഒരു വികസനവും ഉണ്ടാകില്ല. ഇവിടെ മിഷനറിമാർ ആരും ഉണ്ടായിരുന്നില്ലെങ്കിൽ തമിഴ്നാട് ബിഹാർ പോലെ ആയിരുന്നേനെ"
"സംസ്ഥാനത്തിന്റെ വളർച്ചയുടെ പ്രധാന കാരണം കത്തോലിക്കാ മിഷനറിമാരാണ്. നിങ്ങളുടെ പ്രവർത്തനമാണ് തമിഴ്നാടിന്റെ അടിത്തറ പാകിയത്," അദ്ദേഹം കൂട്ടിച്ചേർത്തു.
കഴിഞ്ഞ മാസം നടന്ന പരിപാടിയിൽ അദ്ദേഹം പറഞ്ഞ വാക്കുകൾ ഇപ്പോഴാണ് സമൂഹമാധ്യമങ്ങളിൽ വൈറലായി മാറിയിരിക്കുന്നത്. അദ്ദേഹത്തിന്റെ വിവാദ പരാമർശം രാഷ്ട്രീയ വൃത്തങ്ങളിൽ കോളിളക്കമുണ്ടാക്കി, തമിഴ്നാട് സ്പീക്കർ മാപ്പ് പറയണമെന്ന് ആവശ്യപ്പെട്ട് ബിജെപി രംഗത്തുവന്നു.
വർഗീയമായ പരാമർശങ്ങൾ നടത്തിയതിന് സ്പീക്കർ മാപ്പ് പറയണമെന്ന് ബിജെപി വക്താവ് മോഹൻ കൃഷ്ണ ആവശ്യപ്പെട്ടു.
"കത്തോലിക്ക ക്രിസ്ത്യൻസ് ഇല്ലായിരുന്നുവെങ്കിൽ തമിഴ്നാട് ബിഹാർ ആയി മാറിയേനെ എന്ന് അദ്ദേഹം പറഞ്ഞു. ഇത് തികഞ്ഞ പ്രീണനമാണ്. അധികാരത്തിൽ എത്തിയതിന് ശേഷം ഡിഎംകെ ഇത്തരത്തിലുള്ള വിവാദങ്ങൾ ഉണ്ടാക്കികൊണ്ടേ ഇരിക്കുന്നു. ഡിഎംകെയുടെ അജണ്ട അവിടെയുള്ള ഹിന്ദുക്കളെ തരംതാഴ്ത്തുകയും സംസ്ഥാനത്ത് ഹിന്ദു വിരുദ്ധ പ്രചാരണം പ്രോത്സാഹിപ്പിക്കുകയും ചെയ്യുക എന്നതാണ്." അദ്ദേഹം പറഞ്ഞു.
വർഗീയമായ പരാമർശങ്ങൾ നടത്തിയതിന് സ്പീക്കർ മാപ്പ് പറയണമെന്ന് ബിജെപി വക്താവ് മോഹൻ കൃഷ്ണ ആവശ്യപ്പെട്ടു.
"കത്തോലിക്ക ക്രിസ്ത്യൻസ് ഇല്ലായിരുന്നുവെങ്കിൽ തമിഴ്നാട് ബിഹാർ ആയി മാറിയേനെ എന്ന് അദ്ദേഹം പറഞ്ഞു. ഇത് തികഞ്ഞ പ്രീണനമാണ്. അധികാരത്തിൽ എത്തിയതിന് ശേഷം ഡിഎംകെ ഇത്തരത്തിലുള്ള വിവാദങ്ങൾ ഉണ്ടാക്കികൊണ്ടേ ഇരിക്കുന്നു. ഡിഎംകെയുടെ അജണ്ട അവിടെയുള്ള ഹിന്ദുക്കളെ തരംതാഴ്ത്തുകയും സംസ്ഥാനത്ത് ഹിന്ദു വിരുദ്ധ പ്രചാരണം പ്രോത്സാഹിപ്പിക്കുകയും ചെയ്യുക എന്നതാണ്." അദ്ദേഹം പറഞ്ഞു.
പ്രസ്ഥാവന വിവാദമായതോടെ സംഭവത്തിൽ വ്യക്തതയുമായി തമിഴ്നാട് സ്പീക്കർ തന്നെ രംഗത്തുവന്നു. താൻ പറഞ്ഞത് ചരിത്രം മാത്രമാണ് എന്നായിരുന്നു അദ്ദേഹത്തിന്റെ ന്യായീകരണം.
"ക്രിസ്ത്യൻ മിഷനറിമാർ മാത്രമാണ് എല്ലാവർക്കും വിദ്യാഭ്യാസം ലഭ്യമാക്കിയത്. ക്രിസ്ത്യൻ മിഷനറിമാർ സാമൂഹിക സമത്വം കൊണ്ടുവന്നു. ദ്രാവിഡ പ്രസ്ഥാനം അവരുടെ പ്രവർത്തനത്തിന്റെ വിപുലീകരണമാണ്," അദ്ദേഹം പറഞ്ഞു.