കോഴിക്കോട്: ചേവായൂരിലെ മോട്ടോര്‍ വാഹന വകുപ്പിന്റെ ഡ്രൈവിംങ് ടെസ്റ്റ് ഗ്രൗണ്ടില്‍ ട്രാന്‍സ്‌പോര്‍ട്ട് കമ്മീഷണര്‍ ആര്‍ ശ്രീജിത്തിന്റെ മിന്നല്‍ പരിശോധന. ഗ്രൗണ്ടിന് സമീപത്തെ കടയില്‍നിന്ന് രേഖകളും പണവും പിടിച്ചെടുത്തു. ഉദ്യോഗസ്ഥര്‍ ഒപ്പിട്ട രേഖകളാണ് പിടിച്ചെടുത്തത്.
ഇടനിലക്കാരെ ഉപയോഗിച്ച് കൈക്കൂലി വാങ്ങുന്നുവെന്ന വിവരത്തെ തുടര്‍ന്നായിരുന്നു പരിശോധന. 1.57 ലക്ഷം രൂപയാണ് കടയില്‍ നിന്ന് പിടിച്ചെടുത്തത്. ഉച്ചയ്ക്ക് 12 മണിയോടെ തുടങ്ങിയ പരിശോധന ഒരു മണിക്കൂറോളം നീണ്ടു.
*കണ്ണൂരിലും കോഴിക്കോടും റോഡുകളില്‍ വിജിലന്‍സ് പരിശോധന*
കണ്ണൂരില്‍ പഞ്ചായത്ത് റോഡുകളില്‍ വിജിലന്‍സ് പരിശോധന. യുഡിഎഫ് ഭരിക്കുന്ന കടമ്പൂര്‍ പഞ്ചായത്തിലെ കടമ്പൂര്‍ സ്‌കൂള്‍-മമ്മാക്കുന്ന് റോഡില്‍ വിജിലന്‍സ് Sp PC സജീവന്റെ നേതൃത്വത്തില്‍ പരിശോധന നടത്തി.25 ലക്ഷം ചിലവഴിച്ച് നിര്‍മ്മിച്ച റോഡ് മൂന്നു മാസത്തിനകം തകര്‍ന്നതിനെ തുടര്‍ന്നാണ് വിജിലന്‍സ് പരിശോധന നടത്തിയത്.
ഓപ്പറേഷന്‍ സരള്‍ രാസ്ത മൂന്നിന്റെ ഭാഗമായാണ് വിജിലന്‍സ് റോഡ് പരിശോധന പരിശോധന.വിജിലന്‍സ് എസ് പി പിസി സജീവന്റെ നേതൃത്വത്തിലാണ് കടമ്പൂര്‍ സ്‌കൂള്‍ മമ്മാക്കുന്ന് റോഡ് പരിശോധിച്ചത്.കണ്ണൂര്‍ ജില്ലാ പഞ്ചായത്തിന്റെ ഫണ്ട് ഉപയോഗിച്ചാണ് കടമ്പൂര്‍ പഞ്ചായത്ത് റോഡ് നിര്‍മ്മിച്ചത്.25 ലക്ഷം രൂപ ചിലവഴിച്ച് നിര്‍മ്മിച്ച റോഡ് മൂന്ന് മാസത്തിനകം പലയിടത്തും തകര്‍ന്നു.കണ്ണൂരില്‍ സമാനമായ രീതിയില്‍ തകര്‍ന്ന അഞ്ച് റോഡുകളില്‍ കൂടി പരിശോധന നടത്തുമെന്ന് എസ് പി പിസി സജീവ് പറഞ്ഞു
859 മീറ്റര്‍ റോഡില്‍ പല ഭാഗത്തും കുഴികള്‍ രൂപപ്പെട്ടിരുന്നു.കടമ്പൂര്‍ സ്‌കൂള്‍ ഭാഗത്ത് നിന്നും റോഡ് തുരന്ന് സാമ്പിള്‍ ശേഖരിച്ചു.ഹൈക്കോടതി ഉത്തരവ് പ്രകാരം വിജിലല്‍സ് ഡയറക്ടരുടെ നിര്‍ദ്ദേശം അനുസരിച്ചാണ് സംസ്ഥാനത്ത് ഓപ്പറേഷന്‍ സരള്‍ രാസ്ത മൂന്ന് നടപ്പാക്കുന്നത്.
അതേസമയം, കൂളിമാട് – കളന്‍തോട് റോഡില്‍ സംസ്ഥാന വിജിലന്‍സ് പരിശോധന. ആറ് മാസത്തിനുള്ളില്‍ നടത്തിയ ഏതെങ്കിലും പ്രവൃത്തികളില്‍ തകരാറോ അപാകതയോ ഉണ്ടോ എന്ന് വിലയിരുത്തുന്നതിനാണ് കോഴിക്കോട് വിജിലന്‍സ് ഡിവൈഎസ്പി സുനില്‍കുമാറിന്റെ നേതൃത്വത്തില്‍ പരിശോധന നടത്തിയത്.