ഇടുക്കി : മിനി ബസ് മറിഞ്ഞ് നാല് കുട്ടികൾ ഉൾപ്പടെ പത്ത് പേർക്ക് പരിക്ക്. കോഴി ധനുഷ്‌കോടി ദേശീയ പാതയിൽ പൂപ്പാറ തോണ്ടിമലയിൽ ആണ് മിനി ബസ് മറിഞ്ഞത്. ഇന്ന് രാവിലെ 8 .40 നാണ് അപകടമുണ്ടായത്. തമിഴ്‍നാട്ടിലെ കാരക്കുടിയിൽ നിന്നും മൂന്നാറിലേക്ക് വരികയായിരുന്ന മിനി ബസ് ആണ് അപകടത്തിൽപെട്ടത്. തോണ്ടിമല ഇറച്ചിപ്പാറക്ക് സമീപമുള്ള എസ് വളവിൽ വെച്ച് ബസിന്റെ ബ്രെക്ക് നഷ്ടമാവുകയായിരുന്നു. ഇതോടെ ഇടിച്ച് നിർത്താൻ ശ്രമിക്കുന്നതിനിടയിലാണ് ബസ് മറിഞ്ഞത്.