സൗദി: മക്കയിൽ ബസ് നിയന്ത്രണം വിട്ട് രണ്ട് പേർ മരിച്ചു. ഒൻപത് പേർക്ക് പരിക്കേറ്റു. ബസ് പാലത്തിലിടിച്ചാണ് അപകടം സംഭവിച്ചത്. സൗദി റെഡ് ക്രസന്റ് മക്ക റീജ്യണൽ ഓഫീസാണ് അപകട വിവരം അറിയിച്ചത്. പരിക്കേറ്റവരെ മക്ക അൽ നൂർ സ്‌പെഷ്യലിസ്റ്റ് ആശുപത്രിയിലും അൽ സാഹിർ കിംഗ് അബ്ദുൽ അസീസ് ആശുപത്രിയിലും ആയി പ്രവേശിപ്പിച്ചിരിക്കുകയാണ്. അൻപത് പേരാണ് ബസിൽ ഉണ്ടായിരുന്നതെന്നാണ് റിപ്പോർട്ട്. കൂടുതൽ വിവരങ്ങൾ ഒന്നും പുറത്തുവിട്ടിട്ടില്ല. മരിച്ചവരെ കുറിച്ചും പരിക്കേറ്റവരെ കുറിച്ചുമുള്ള വിവരങ്ങൾ ഒന്നും അധികൃതർ പുറത്തുവിട്ടിട്ടില്ല. അതേസമയം സൗദി വടക്കന്‍ മേഖലയിലെ തബൂക്കിൽ മറ്റൊരു അപകടം സംഭവിച്ചു. അധ്യാപകര്‍ സഞ്ചരിച്ച കാർ ഒരു ടാങ്കര്‍ ലോറിയും തമ്മിൽ കൂട്ടിയിടിച്ചു. അപകടത്തിൽ മൂന്ന് പേർക്ക് പരിക്കേൽക്കുകയും രണ്ട് അധ്യാപകർ മരിക്കുകയും ചെയ്തു. അപകടത്തിൽ പരിക്കേറ്റ അധ്യാപകരെ തബൂക്ക് കിംഗ് ഖാലിദ്, അബൂറാക ആശുപത്രികളില്‍ ആയി പ്രവേശിപ്പിച്ചിരിക്കുകയാണ്. താമസിക്കുന്ന സ്ഥലത്ത് നിന്നും 20 കിലോമീറ്റര്‍ ദൂരെ ആണ് സ്ക്കൂൾ ഇവിടേക്ക് അധ്യാപകർ പോയ കാർ ആണ് അപകടത്തിൽപ്പെട്ടത്. അധ്യാപകര്‍ സ്‌കൂള്‍ വിട്ട് മടങ്ങുന്നതിനിടെയാണ് അപകടം സംഭവിച്ചത്. കാർ ടാങ്കറിൽ കൂട്ടിയിടിക്കുകയായിരുന്നു.