തിരുവനന്തപുരം : സുരേഷ് ഗോപിയെ ബിജെപി കോര് കമ്മിറ്റിയില് ഉള്പ്പെടുത്തി.
പതിവ് നടപടികള് മറികടന്നാണ് താരത്തിന് ഔദ്യോഗിക ചുമതല നല്കിയിട്ടുള്ളത്.
പ്രസിഡന്റും മുൻ പ്രസിഡന്റുമാരും ജനറൽ സെക്രട്ടറിമാരും മാത്രം കോർ കമ്മിറ്റിയിൽ വരുന്നതായിരുന്ന പാര്ട്ടിയിലെ പതിവ് രീതി. താരത്തെ ഉള്പ്പെടുത്തിയത് കേന്ദ്ര നിർദേശ പ്രകാരമാണ്.
പലപ്പോഴും പാര്ട്ടി ചുമതലയേറ്റെടുക്കാന് പാര്ട്ടി ആവശ്യപ്പെട്ടപ്പോഴും തന്റെ തൊഴില് അഭിനയമാണെന്ന് പറഞ്ഞ് ഒഴിഞ്ഞു നില്ക്കുകയായിരുന്നു സുരേഷ് ഗോപി.
താരത്തെ മുന് നിര്ത്തി കേരളത്തില് കരുത്ത് കൂട്ടാനാണ് ബിജെപി കേന്ദ്ര നേതൃത്വം ലക്ഷ്യമിടുന്നത്.