✍️ ജോവാൻ മധുമല
ഇന്ന് രാവിലെ
എട്ടരയോടെയാണ് നാലുമണിക്കാറ്റ് സായാഹ്ന വിശ്രമകേന്ദ്രം റോഡിൽ അപകടം ഉണ്ടായത്.
കോട്ടയം നെടുങ്കുന്നം സ്വദേശി പ്രദീപ് സഞ്ചരിച്ചിരുന്ന ബൈക്കിലാണ് സ്വിഫ്റ്റ് കാർ ഇടിച്ചത്.
ഇരു വാഹനങ്ങളും ഏറ്റുമാനൂർ ദിശയിലേക്കായിരുന്നു സഞ്ചരിച്ചിരുന്നത്.
അപകടത്തിൽ ബൈക്കിൽ നിന്ന് വീണതോടെ പ്രദീപിൻ്റെ ഹെൽമെറ്റ് തകർന്ന് തലയ്ക്ക് മാരകമായി പരിക്കേറ്റു.
രക്തം വാർന്ന് അബോധാവസ്ഥയിലായ പ്രദീപിനെ ഉടനെ മണർകാട്ടെ സ്വകാര്യആശുപത്രിയിൽ
എത്തിച്ച് അടിയന്തര ശുശ്രൂഷ നൽകിയ ശേഷം കാരിത്താസിലെ സ്വകാര്യ ആശുപത്രിയിലേക്ക് മാറ്റി.
കോട്ടയത്ത് അരി കടയിലെ ജീവനക്കാരനാണ് പ്രദീപ്.
പ്രദീപിനെ ഇടിച്ചിട്ട സ്വിഫ്റ്റ് കാർ കണ്ടെത്താൻ സമീപത്തെ സിസിടിവി ദൃശ്യങ്ങൾ പരിശോധിച്ചുള്ള അന്വേഷണത്തിൽ കാരിത്താസ് ആശുപത്രിയിലേയ്ക്ക് രോഗിയുമായി പോയ കാർ ആണെന്ന് പോലീസിന് ബോധ്യപ്പെട്ടു കാറും ഡ്രൈവറും ഇപ്പോൾ പോലീസ് കസ്റ്റഡിയിൽ ആണ് ചമ്പക്കര സ്വദേശി അഖിൽ ആണ് കസ്റ്റഡിയിൽ ഉള്ളത് ,പ്രദീപിനെ പിന്നീട് കോട്ടയം മെഡിക്കൽ കോളേജിലേയ്ക്ക് മാറ്റി