കോഴിക്കോട്: മെഡിക്കൽ കോളജ് ജംഗ്ഷനിൽ സ്ത്രീ ബസിനടിയിൽ കുടുങ്ങി. റോഡ് മുറിച്ചു കടക്കവേ ആയിരുന്നു അപകടം. മുക്കം – കോഴിക്കോട് റൂട്ടിൽ ഓടുന്ന ഫാന്റസി എന്ന ബസ് ആണ് അപകടമുണ്ടാക്കിയത്.
അപകടം ഉണ്ടായ ഉടൻ ഡ്രൈവർ ഇറങ്ങിയോടി. തുടർന്ന് മറ്റൊരു ഡ്രൈവറെത്തി ബസ് പിന്നോട്ടെടുത്ത ശേഷം സ്ത്രീയെ രക്ഷപെടുത്തുകയായിരുന്നു. തലയ്ക്ക് ഗുരുതര പരിക്കേറ്റ സ്ത്രീ മെഡിക്കൽ കോളജിൽ ചികിത്സയിൽ ആണ്.