ബഹ്റെെൻ: ഹമദ് രാജാവിന് റഷ്യൻ പ്രസിഡന്റ് വ്ലാഡിമർ പുടിന്റെ വക അപൂർവമായ ഒരു സമ്മാനം ലഭിച്ചു. ഏറ്റവും മികച്ചതും അപൂർവമായതുമായ സൈബീരിയൻ ഫാൽക്കണുകളിൽ ഒന്നിനെയാണ് പുടിൻ ഹമദ് രാജാവിന് സമ്മാനമായി നൽകിയിരിക്കുന്നത്. പുടിന്റെ രക്ഷാകർതൃത്വത്തിൽ റഷ്യൻ നഗരമായ വ്ലാദിവോസ്റ്റോക്കിൽ നടന്ന ഈസ്റ്റേൺ ഇക്കണോമിക് ഫോറത്തിൽ പങ്കെടുക്കുന്നതിന് ഇടയിൽ റഷ്യയിലെ ബഹ്‌റൈൻ അംബാസഡർ അഹമ്മദ് അബ്ദുറഹ്മാൻ അൽ സാത്തിയെയാണ് സമ്മാനം ഏർപ്പിച്ചത്.ഇക്കണോമിക് ഫോറത്തോടനുബന്ധിച്ച് അപൂർവ സൈബീരിയൻ ഫാൽക്കണുകളുടെ പ്രദർശനം നടത്തിയിരുന്നു. അറബ് സംസ്കാരവുമായി വളരെ ഇടപ്പെട്ട് കിടക്കുന്ന ഒന്നാണ് ഫാൽകൺ പക്ഷി. ഫാൽകനുകളെ വലിയ ലേലത്തിൽ വാങ്ങി പലരും സ്വന്തമാക്കാറുണ്ട്. ഹമദ് രാജാവിനെ തന്റെ ആശംസകൾ അറിയിക്കാനും പുടിൻ അംബാസഡറോട് ആവശ്യപ്പെട്ടു. ഫാൽകൺ പക്ഷികളുടെ പ്രദർശനം എല്ലാ അറബ് രാജ്യങ്ങളിലും നടക്കാറുണ്ട്. വലിയ വില കൊടുത്ത് ഫാൽകൺ പക്ഷികളെ പലരും സ്വന്തമാക്കാറുണ്ട്. പ്രൗഢിയോടെ അണിഞ്ഞൊരുങ്ങി നിൽക്കുന്ന ഫാൽക്കനുകളെ ഇത്തരത്തിലുള്ള മേളകളിൽ കാണാൻ സാധിക്കും.അപൂർവമായ ഇനം ഫാൽകൺ പക്ഷികൾക്ക് കോടികൾ ആണ് വിലവരുന്നത്. ഹമദ് രാജാവിനോടുള്ള പ്രത്യേകമായ സ്നേഹത്തിന്റെ അടയാളമായിട്ടാണ് പുടിൻ സൈബീരിയൻ ഫാൽക്കണി സമ്മാനിച്ചത്. ഇക്കണോമിക് ഫോറത്തിൽ പങ്കെടുക്കാൻ വേണ്ടി വന്ന ബഹ്‌റൈന്റെ പങ്കാളിത്തത്തെ പുടിൻ അഭിനന്ദിക്കുകയും ചെയ്തു. ബഹ്റെെൻ രാജ്യത്തോടുള്ള നന്ദിസൂചകമായി 2024 ജൂൺ 5-8 വരെ തീയതികളിൽ നടക്കുന്ന സെന്റ് പീറ്റേഴ്‌സ്ബർഗ് ഇന്റർനാഷനൽ ഇക്കണോമിക് ഫോറത്തിൽ ‘ഗെസ്റ്റ് ഓഫ് ഹോണർ’ ആയി ബഹ്‌റൈനെ പരിഗണിക്കാനും തീരുമാനിച്ചിട്ടുണ്ട്. റഷ്യൻ പ്രസിഡന്റ് നിർദേശിച്ചതിന്റെ ഭാഗമായാണ് ബഹ്റെെനെ പരിഗണിക്കാൻ തീരുമാനിച്ചത്.