.jpeg)
ദുബായ്: ബോളിവുഡ് താര റാണി സണ്ണി ലിയോണിന് യുഎഇ ഗോൾഡൻ വിസ ലഭിച്ചു. ദുബായിലെ ഏറ്റവും വലിയ സർക്കാർ സേവന ദാതാക്കളായ ഇസിഎച് ഡിജിറ്റൽ ആസ്ഥാനത്ത് എത്തിയാണ് ഇവർ വിസ സ്വന്തമാക്കിയത്. ഇസിഎച് സിഇഓ ഇഖ്ബാൽ മാർക്കോണിയിൽ നിന്നുമാണ് താരം വിസ ഏറ്റുവാങ്ങിയത്. പത്ത് വർഷ ഗോൾഡൻ വിസ പതിപ്പിച്ച പാസ്പോർട്ട് ഇഖ്ബാൽ മാർക്കോണിയിൽ നിന്നും സണ്ണി ലിയോൺ ഏറ്റു വാങ്ങി.
യുഎഇ നൽകിയ അംഗീകാരത്തിന് താരം നന്ദി പറഞ്ഞു. ഇന്ത്യൻ ചലച്ചിത്ര താരങ്ങൾക്ക് യുഎഇ ഗോൾഡൻ വിസ നൽകിയത് ഇ.സി.എച്ഛ് ഡിജിറ്റൽ മുഖേനയായിരുന്നു. മലയാളത്തിൽ നിരവധി പേർക്ക് ഗോൾഡൻ വിസ ലഭിച്ചിട്ടുണ്ട്. മ്മുട്ടിയും മോഹന്‍ലാലുമടക്കം അനേകം മലയാളി സിനിമാ താരങ്ങൾ ഗോൾഡൻ വിസ സ്വന്തമാക്കിയിട്ടുണ്ട്. യുഎഇ വൈസ് പ്രസിഡന്റും പ്രധാനമന്ത്രിയുമായ ശൈഖ് മുഹമ്മദ് ബിന്‍ റാഷിദിന്റെ പ്രഖ്യാപനത്തിന് പിന്നാലെ 2019 ജൂണിലാണ് യുഎഇ ഗോള്‍ഡന്‍ വിസ വിതരണം ആരംഭിച്ചത്.നിക്ഷേപകർ , സംരംഭകര്‍, എന്നിവരെ കൂടാതെ വിവിധ മേഖലകളിലെ പ്രതിഭകള്‍, ഗവേഷകര്‍, മികച്ച വിദ്യാര്‍ഥികള്‍ എന്നിവർക്ക് രാജ്യത്തേ വന്നു പോകുന്നതിന് വേണ്ടി നൽകുന്ന വിസയാണ് ഗോൾഡൻ വിസ. ഈ വിസ കെെവശം ഉള്ളവർക്ക് 10 വർഷം പ്രത്യേക വിസയില്ലാതെ യുഎഇലേക്ക് പോകുകയും വരുകയും ചെയ്യാം. ദീര്‍ഘകാല ആസൂത്രണത്തോടെ യുഎഇയിൽ പ്രവർത്തിക്കാൻ ആഗ്രഹിക്കുന്നവർക്ക് വളരെ ഉപകാരമാകുന്ന തരത്തിലാണ് ഈ വിസ ഒരുക്കിയിരിക്കുന്നത്.
ഡ്രൈവിങ്ങ് ലൈസൻസിന് അടക്കം നിരവധി ആനുകൂല്യങ്ങൾ ആണ് ഈ വിസയുള്ളവർക്ക് ലഭിക്കുക. സാധാരണയായി യുഎഇ വിസ രണ്ട് വർഷത്തേക്കാണ് അനുവദിക്കാറുള്ളത്. രണ്ട് വർഷം കൂടുമ്പോൾ പുതുക്കാവുന്ന എംപ്ലോയ്മെന്റ് വിസയ്ക്ക് പകരം 10 വർഷത്തേക്കുള്ള വിസ അനുവദിക്കുന്ന പദ്ധതിയാണിത്.