.jpeg)
ബെംഗളൂരു: വിമാനത്തിൽ ക്യാബിൻ ക്രൂവിനോട് അപമര്യാദയായി പെരുമാറിയ യാത്രക്കാരൻ അറസ്റ്റിൽ. എയർ ഏഷ്യ ഇന്ത്യ വിമാനത്തിലാണ് നാൽപ്പതുകാരൻ എയർഹോസ്റ്റസിൻ്റെ കൈയിൽ പിടിച്ചത്. ബെംഗളൂരു രാജ്യാന്തര വിമാനത്താവളത്തിലാണ് സംഭവം.ബെംഗളൂരുവിൽ നിന്ന് ഗോവയിലേക്കുള്ള വിമാനം പറക്കാനൊരുങ്ങുമ്പോഴാണ് നാടകീയ സംഭവങ്ങളുണ്ടായത്. വിമാനത്തിൽ കയറുമ്പോഴാണ് യാത്രക്കാരൻ എയർ ഹോസ്റ്റസിനോട് മോശമായി പെരുമാറിയത്. വിമാനത്തിൽ കയറുന്നതിനിടെ യാത്രക്കാരൻ ക്യാബിൻ ക്രൂവിനോട് മോശമായി പെരുമാറുകയും കൈയിൽ കടന്നുപിടിക്കുകയുമായിരുന്നു.ജീവനക്കാരിക്കെതിരെ അതിക്രമം ഉണ്ടായതിന് പിന്നാലെ തന്നെ ഇയാളെ വിമാനത്തിൽ നിന്ന് ഇറക്കിവിട്ടെന്ന് എയർലൈൻ പ്രസ്താവനയിലൂടെ അറിയിച്ചു. യാത്രക്കാരനെതിരെ നടപടി ആരംഭിച്ചു. വിമാനത്തിലുണ്ടാകുന്ന ഇത്തരം സംഭവങ്ങൾ കർശന നടപടികൾ സ്വീകരിക്കും. വിമാനത്തിലെ യാത്രക്കാരുടെയും ജോലിക്കാരുടെയും സുരക്ഷയ്ക്കാണ് മുൻഗണന നൽകുന്നതെന്ന് വിമാനക്കമ്പനി അറിയിച്ചു.