ഇന്ത്യ-കാനഡ തർക്കം: രണ്ട് ഖലിസ്ഥാൻ ​ഗ്രൂപ്പുകളെ നിരോധിച്ച് കാനഡ; ഇന്ത്യ നിർദ്ദേശിച്ചത് 5 സംഘടനകളുടെ പേര്

 ഒട്ടാവ: ഇന്ത്യ - കാനഡ നയതന്ത്ര ബന്ധം മോശമായിരിക്കെ രണ്ട് ഖലിസ്ഥാൻ സംഘടനകളെ നിരോധിച്ച് കാനഡ. ബബ്ബർ ഖഴ്സ ഇന്റർനാഷണൽ, ഇന്റർനാഷണൽ സിഖ് യൂത്ത് ഫെഡറേഷനെയുമാണ് കാനഡ ഇപ്പോൾ നിരോധിച്ചിരിക്കുന്നത്. അതേസമയം, ഇന്ത്യ അഞ്ച് സംഘടനകളെ നിരോധിക്കണമെന്നാണ് നിർദ്ദേശിച്ചിരുന്നത്. ഇതിന് ആവശ്യമായ സംഘടനകളുടെ പട്ടികയും ഇന്ത്യ കാനഡയ്ക്ക് കൈമാറിയിരുന്നു.കേന്ദ്ര ആഭ്യന്തരമന്ത്രാലയത്തിന്റെ റിപ്പോർട്ട് പ്രകാരം കാനഡ അടക്കമുള്ള വിവിധ രാജ്യങ്ങളിലായി 11 ലധികം ഖലിസ്ഥാൻ ഭീകരവദാസംഘടനകളാണ് സജ്ജീവമായി പ്രവർത്തിക്കുന്നത്. കാനഡയ്ക്ക് പുറമെ, പാകിസ്ഥാൻ, യൂറോപ്യൻ രാജ്യങ്ങൾ എന്നിവിടങ്ങളിലും പ്രവർത്തിക്കുന്നുണ്ടെന്ന് കണ്ടെത്തിയിരുന്നു.ജൂൺ 18ന് ഖലിസ്ഥാൻ ഭീകരനായ ഹർദിപ് സിങ് നിജ്ജാറിനെ കൊലപ്പെടുത്തിയതിന് പിന്നാലെ ഇന്ത്യ കാനഡ ബന്ധം കൂടുതൽ വഷളായിരുന്നു. ബന്ധം പഴയപടിയാക്കുന്നതിന് ഇരുകൂട്ടരും സംയുക്തമായി ചർച്ച ചെയ്യണമെന്ന് ഇന്ത്യൻ വിദേശകാര്യമന്ത്രി എസ് ജയശങ്കർ ഇന്നലെ പറഞ്ഞിരുന്നു. കാനഡയ്ക്കെതിരെ അതിരൂക്ഷമായ സമീപനമാണ് ഇന്ത്യയുടെ ഭാഗത്ത് നിന്നുമുണ്ടായത്. ഭീകരതയ്ക്കും അക്രമത്തിനും നേരെ മൃദുസമീപനം സ്വീകരിക്കുന്ന കാനഡ സർക്കാരിന്റെ നിലപാടാണ് പ്രധാന പ്രശ്നമെന്നും ഇന്ത്യ കുറ്റപ്പെടുത്തിയിരുന്നു.

നിജ്ജാറിന്റെ വധത്തിന് പിന്നിൽ ഇന്ത്യയാണെന്ന് കാനഡ പ്രധാനമന്ത്രി ജസ്റ്റിൻ ട്രൂഡോ ആരോപിച്ചിരുന്നു. ഇത്തരത്തിൽ ഒരു ആരോപണങ്ങൾക്ക് പ്രസക്തമായ വസ്തുതകൾ കൈമാറിയാൽ പരിശോധിച്ച് നടപടിയെടുക്കാൻ ഇന്ത്യ തയ്യാറാണെന്നും വിദേശകാര്യമന്ത്രി വ്യക്തമാക്കി.ഇന്ത്യയെ കുറ്റപ്പെടുത്തിയതിന് പിന്നാലെ തന്നെ നിലപാട് മയപ്പെടുത്തി കാനഡ രംഗത്തുവന്നിരുന്നു. ഇന്ത്യയുമായുള്ള ബന്ധം കൂടുതൽ ദൃഢമാകുമെന്നും വികസന നയങ്ങളിൽ ഒന്നിച്ച് നീങ്ങുമെന്നും കനേഡിയൻ പ്രധാനമന്ത്രി ജസ്റ്റിൻ ട്രൂഡോ പറഞ്ഞു.എങ്കിലും ഇന്ത്യ നിലപാട് കടുപ്പിച്ച് തന്നെയാണ് മുന്നോട്ട് വന്നത്. ഇതിന്റെ ഭാഗമായാണ് അഞ്ച് ഖലിസ്ഥാൻ സംഘടനകളെ നിരോധിക്കണമെന്ന ഇന്ത്യ ആവശ്യപ്പെട്ടത്.