തിരുവനന്തപുരം: കേരള സര്‍ക്കാര്‍ സ്ഥാപനമായ ഒഡെപെക്ക് മുഖേന രണ്ട് രാജ്യങ്ങളിലേക്ക് അവസരം. നഴ്‌സുമാര്‍ക്ക് ആണ് സൗജന്യ നിയമനം നടത്തുന്നത്. ജര്‍മ്മനിയില്‍ നഴ്സുമാരുടെ 500 ഒഴിവുകളാണ് ഉള്ളത്. നഴ്സിങ്ങില് ഡിപ്ലോമയോ ബിരുദമോ ഉള്ളവര്‍ക്ക് അപേക്ഷിക്കാൻ സാധിക്കും. പ്രായപരിധി 40 വയസ്. ശമ്പളം പ്രതിമാസം 2400 യൂറോ മുതല്‍ 4000 യുറോ വരെ ലഭിക്കും.ജോലിക്കായി തെരഞ്ഞെടുക്കുന്നവർക്ക് സൗജന്യമായി ജര്‍മ്മന്‍ ഭാഷ A1 മുതല്‍ B2 വരെ പരിശീലനം നല്‍കും. കൂടാതെ B1/B2 പരിശീലന കാലത്ത് പ്രതിമാസ സ്‌റ്റൈപെന്‍ഡും ലഭിക്കുന്നതാണ്. വിസയും ടിക്കറ്റും സൗജന്യമായി ലഭിക്കും. ജര്‍മ്മന്‍ ഭാഷയില്‍ B1/B2 അംഗീകൃത പരീക്ഷ പാസായവര്‍ക്കും അപേക്ഷിക്കാം. നവംബറില്‍ ആയിരിക്കും അഭിമുഖം നടക്കുക. താത്പര്യമുള്ള ഉദ്യോഗാര്‍ഥികള്‍ ബയോഡേറ്റ ഒക്ടോബര്‍ 28നു മുന്‍പ് gm@odepec.in ലേക്ക് ഇമെയില്‍ ചെയ്യുക.
ഓസ്ട്രിയയിലേക്ക് 50 നഴ്സുമാരുടെ ഒഴിവുകൾ ആണ് ഉള്ളത്. നഴ്സിങ്ങില് ബിരുദം ഉള്ളവര്‍ക്ക് അപേക്ഷിക്കാൻ സാധിക്കും. പ്രായപരിധി 30 വയസ്. ശമ്പളം പ്രതിമാസം 2600 യൂറോ മുതല്‍ 4000 യൂറോ വരെ. വിസ, വിമാന ടിക്കറ്റ് എന്നിവ സൗജന്യമായി ലഭിക്കും. തെരഞ്ഞെടുക്കപ്പെടുന്നവര്‍ക്ക് സൗജന്യമായി ജര്‍മ്മന്‍ ഭാഷ A1 മുതല്‍ B2 വരെ പരിശീലനം നല്‍കും. ജര്‍മ്മന്‍ ഭാഷയില്‍ B1/B2 അംഗീകൃത പരീക്ഷ പാസായവര്‍ക്കും അപേക്ഷിക്കാൻ സാധിക്കും. താത്പര്യമുള്ള ഉദ്യോഗാര്‍ഥികള്‍ ബയോഡേറ്റ ഒക്ടോബര്‍ 26ന് മുന്‍പ് gm@odpec.in എന്ന മെയിലിലേക്ക് അയയ്ക്കണം. വിവരങ്ങള്‍ക്ക് www.odepc.kerala.gov.in വെബ് സെെറ്റ് സന്ദർശിക്കുക. കൂടുതൽ വിവരങ്ങൾക്ക് ഈ നമ്പറുകളില്‍ ബന്ധപ്പെടാം എന്ന് അധികൃതർ അറിയിച്ചു. 04712329440/41/42/43/44/45, 77364 96574.