ദോഹ: പലസ്തീനില്‍ യുദ്ധം രൂക്ഷമായി തുടരുന്ന പശ്ചാത്തലത്തില്‍ ഖത്തര്‍ ഈ വര്‍ഷത്തെ ദേശീയ ദിനാഘോഷങ്ങള്‍ മാറ്റിവച്ചു. ഇക്കാര്യം അറിയിച്ച് ഖത്തര്‍ ഉപപ്രധാനമന്ത്രിയും പ്രതിരോധകാര്യ സഹമന്ത്രിയുമായ ഖാലിദ് അല്‍ അത്തിയ എക്‌സ് പ്ലാറ്റ്‌ഫോമില്‍ വീഡിയോ ക്ലിപ് പോസ്റ്റ് ചെയ്തു.ഖത്തര്‍ അമീറും സായുധസേന കമാന്‍ഡര്‍ ഇന്‍ ചീഫുമായ ഷെയ്ഖ് തമീം ബിന്‍ ഹമദ് അല്‍താനിയുടെ നിര്‍ദേശപ്രകാരം സായുധ സേനയുടെ ഈ വര്‍ഷത്തെ ദേശീയ ദിനാഘോഷ പരേഡ് മാറ്റിയതായും അദ്ദേഹം അറിയിച്ചുഇസ്രായേലും ഹമാസും ഒക്ടോബര്‍ ഏഴ് മുതല്‍ ആരംഭിച്ച യുദ്ധം രൂക്ഷമായി തുടരുകയാണ്. ഗാസ മുനമ്പില്‍ ഇതിനകം 12,000 ത്തിലധികം പേര്‍ കൊല്ലപ്പെട്ടു. വംശഹത്യയും മനുഷ്യരാശിക്കെതിരായ കുറ്റകൃത്യങ്ങളും നിര്‍ബാധം തുടരുമ്പോള്‍ ഗാസയിലെ നമ്മുടെ സഹോദരങ്ങളോട് തങ്ങള്‍ക്ക് ചെയ്യാന്‍ കഴിയുന്ന ഏറ്റവും ചെറിയ കാര്യമാണ് ഈ മാറ്റിവയ്ക്കലെന്നും അദ്ദേഹം പറഞ്ഞു.ഈ മാസം 18ന് നടക്കേണ്ടിയിരുന്ന ഒമാന്റെ 53ാം ദേശീയ ദിനാഘോഷങ്ങള്‍ പലസ്തീനിലെ സംഭവങ്ങളുടെ പശ്ചാത്തലത്തില്‍ റദ്ദാക്കിയിരുന്നു. ഇതിന് സമാനമായാണ് ഖത്തറിന്റെയും പ്രഖ്യാപനം. ഡിസംബര്‍ 18നാണ് ഖത്തര്‍ ദേശീയ ദിനമാഘോഷിച്ചുവരുന്നത്. ഖത്തറിനെ ഒരു രാഷ്ട്രമാക്കി ഒന്നിപ്പിച്ച ആധുനിക രാഷ്ട്ര സ്ഥാപകന്‍ ഷെയ്ഖ് ജാസിം ബിന്‍ മുഹമ്മദ് അല്‍താനിയെ ഈ ദിനത്തില്‍ രാജ്യം ആദരിക്കുന്നു. വര്‍ഷം തോറും ദേശീയ ദിനത്തില്‍ ഖത്തര്‍ സൈന്യം 'നാഷണല്‍ മാര്‍ച്ച്' നടത്തിവരുന്നു. ഖത്തര്‍ അമീര്‍ ഉള്‍പ്പെടെയുള്ള ഭരണനേതാക്കള്‍ സൈനിക പരേഡില്‍ സംബന്ധിക്കുന്നു.വരുന്ന ജനുവരിയില്‍ ദോഹയില്‍ ആരംഭിക്കുന്ന എഎഫ്‌സി ഏഷ്യന്‍ കപ്പ് ടിക്കറ്റ് വില്‍പനയില്‍ നിന്നുള്ള വരുമാനം പലസ്തീന്‍ ജനതയ്ക്ക് നല്‍കാന്‍ ഖത്തര്‍ തീരുമാനിച്ചിട്ടുണ്ട്. ജനുവരി 12 മുതല്‍ ഫെബ്രുവരി 10 വരെയാണ് ഏഷ്യന്‍ കപ്പ്. ടിക്കറ്റ് വില്‍പന