തിരുവനന്തപുരം: സെക്രട്ടേറിയറ്റ് മാര്ച്ചിലെ സംഘര്ഷത്തിൽ അറസ്റ്റിലായ യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിന്റെ ജാമ്യ ഹര്ജി ജനുവരി 17ന് പരിഗണിക്കും. തിരുവനന്തപുരം ജില്ലാ പ്രിന്സിപ്പല് സെക്ഷന്സ് കോടതിയാണ് ജാമ്യ ഹര്ജി പരിഗണിക്കുന്നത്. നേരത്തെ വഞ്ചിയൂര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി (3) രാഹുലിന്റെ ജാമ്യാപേക്ഷ തള്ളിയിരുന്നു. വൈദ്യ പരിശോധനയില് രാഹുലിന് ഗുരുതര ആരോഗ്യ പ്രശ്നങ്ങളില്ലെന്ന് റിപ്പോര്ട്ട് വന്നതോടെയാണ് ജാമ്യാപേക്ഷ തള്ളിയത്. അനുമതിയില്ലാത്ത സമരം , പൊതുമുതല് നശിപ്പിക്കല്, കൃത്യനിര്വ്വഹണത്തില് തടസം വരുത്തല് തുടങ്ങിയ വകുപ്പുകളാണ് രാഹുലിനെതിരെ ചുമത്തിയിട്ടുളളത്.
രാഹുല് മാങ്കൂട്ടത്തിലിന്റെ ജാമ്യ ഹര്ജി 17ന് പരിഗണിക്കും..
Jowan Madhumala
0
Tags
Top Stories