ഷാർജ: യുഎഇയിൽ 1796 ന് ശേഷമുള്ള ഏറ്റവും ദൈർഘ്യമേറിയ പകൽ ഈ മാസം 20ന് അനുഭവപ്പെടുമെന്ന് റിപ്പോ‍‍ർട്ട്. പകൽ സമയം 13 മണിക്കൂറും 48 മിനിറ്റുമായിരിക്കും ദൈർഘ്യം ഉണ്ടാവുക. അതുകൊണ്ട് തന്നെ ജൂൺ 20 ഏറ്റവും ദൈർഘ്യമേറിയ ദിനമായാണ് കണക്കാക്കുക. ഈ വർഷം വേനൽ കാലം നേരത്തെ അവസാനിക്കുന്നതിന്റെ ഭാഗമാണിങ്ങനെ സംഭവിക്കുന്നത്.
ലോകത്തെ മിക്ക രാജ്യങ്ങളിലും 1796ന് ശേഷം ആകാശത്തെ ഈ ശാസ്ത്ര പ്രതിഭാസം ഉണ്ടാകും. എമിറേറ്റ്‌സ് അസ്‌ട്രോണമിക്കൽ സൊസൈറ്റിയുടെ ബോർഡ് ചെയർമാനും അറബ് യൂണിയൻ ഫോർ സ്‌പേസ് ആൻഡ് അസ്ട്രോണമി സയൻസസിലെ അംഗവുമായ ഇബ്രാഹിം അൽ ജർവാൻ പറയുന്നതനുസരിച്ച്, വേനൽക്കാല അറുതിയിൽ സൂര്യൻ അതിന്റെ വടക്കേ അറ്റത്തുള്ള ട്രോപിക് ഓഫ് കാൻസർ എന്ന സ്ഥലത്താണ് നേരിട്ട് തലയ്ക്കു മുകളിൽ നിൽക്കുന്നത്. യുഎഇയുടെ തെക്കൻ പ്രദേശങ്ങൾ ഉൾപ്പെടെ സൂര്യന് നേരിട്ട് തലയ്ക്ക് മുകളിൽ വരുന്ന പ്രദേശങ്ങളിൽ നട്ടുച്ചയ്ക്ക് നിഴലുകൾ ഉണ്ടാകില്ല. ഉച്ചസമയത്തെ നിഴലുകൾ അറേബ്യൻ ഉപദ്വീപിലെങ്ങും ചെറുതായിരിക്കും.
പകൽ സമയത്ത് താപനില 41 മുതൽ 43 ഡിഗ്രി സെൽഷ്യസും രാത്രിയിൽ 26 മുതൽ 29 ഡിഗ്രി സെൽഷ്യസും ആയിരിക്കും. ചിലയിടങ്ങളിൽ 50 ഡിഗ്രി സെൽഷ്യസ് വരെ ആകാനും സാധ്യതയുണ്ട്. ജൂൺ 21 മുതൽ ഓഗസ്റ്റ് 10 വരെ നീളുന്ന വേനൽക്കാലത്തിൻ്റെ ആദ്യ പകുതിയിൽ കാലാവസ്ഥ പൊതുവെ വരണ്ട കാലാവസ്ഥയായിരിക്കും. രാജ്യത്തിൻ്റെ വടക്ക്, വടക്ക് പടിഞ്ഞാറൻ മേഖലകളിൽ ചൂടുള്ളതും വരണ്ടതുമായ കാറ്റ് സജീവമാകും. ഇത് പൊടിയും മണലും രാജ്യത്തിന് മുകളിലൂടെ വീശാൻ ഇടയാക്കും, ചൂടുള്ള വായു തരംഗങ്ങൾ രൂപപ്പെടുകയും താപനില കുറഞ്ഞത് നാല് ഡിഗ്രി വർദ്ധിപ്പിക്കുകയും ചെയ്യും.
യുഎഇയിൽ 1796 ന് ശേഷമുള്ള ഏറ്റവും ദൈർഘ്യമേറിയ പകൽ; ഈ മാസം 20ന്
അമിത വണ്ണം കുറച്ചാൽ വൻ തുക ബോണസ്; പ്രഖ്യാപനവുമായി ചൈനീസ് ടെക് കമ്പനി
അതേസമയം, വേനൽക്കാലത്തിൻ്റെ രണ്ടാം പകുതി ഓഗസ്റ്റ് 11 മുതൽ സെപ്റ്റംബർ 23-ന് ശരത്കാല വിഷുദിനം വരെ നീണ്ടുനിൽക്കും. തുടർച്ചയായ ഉയർന്ന താപനിലയ്‌ക്കൊപ്പം രാജ്യത്ത് ഉയർന്ന ആർദ്രതയും അനുഭവപ്പെടും. രാജ്യത്ത് ഈർപ്പമുള്ള കാറ്റ് വീശും, ഇത് പർവതനിരകളിലും പരിസര പ്രദേശങ്ങളിലും ക്യുമുലസ് മേഘങ്ങളുടെ രൂപീകരണത്തിന് കാരണമാകും. ഈ മേഘങ്ങൾ ഇടിമിന്നലിന് കാരണമായേക്കാം.