ബജറ്റ് പ്രഖ്യാപനത്തിന് പിന്നാലെയും ഇന്ന് സംസ്ഥാനത്ത് മാറ്റമില്ലാതെ സ്വര്ണവില. ഇന്നലെ ഇടിഞ്ഞ് പവന് 52000ല് താഴെ എത്തിയ അതേ നിലവാരത്തിലാണ് ഇന്ന് സ്വര്ണവില. 51,960 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 6495 രൂപ നല്കണം. ഈ മാസത്തെ ഏറ്റവും താഴ്ന്ന വിലയിലാണ് സ്വര്ണവില.
ഇന്നലെ രണ്ടു തവണകളായി 2200 രൂപയാണ് കുറഞ്ഞത്. ബജറ്റിന് മുന്പ് 200 രൂപ താഴ്ന്ന സ്വര്ണവില, ബജറ്റിന് ശേഷം ഒറ്റയടിക്ക് 2000 രൂപയാണ് താഴെയായത്. സ്വര്ണത്തിന്റെ കസ്റ്റംസ് തീരുവ ആറുശതമാനമാക്കി കുറയ്ക്കുമെന്ന ബജറ്റ് പ്രഖ്യാപനമാണ് സ്വര്ണവിലയില് പ്രതിഫലിച്ചത്.
ഓഹരി വിപണിയിലെയും അന്താരാഷ്ട്ര വിപണിയിലെയും ചലനങ്ങളും സ്വര്ണവിലയില് പ്രതിഫലിക്കുന്നുണ്ട്. മെയ് മാസം 20നാണ് 55,120 രൂപയായി ഉയര്ന്ന് സ്വര്ണവില പുതിയ ഉയരം കുറിച്ചത്.