ന്യൂഡൽഹി: ഓഗസ്റ്റിൽ സാധാരണയിൽ കൂടുതൽ മഴ ഇന്ത്യയിൽ പെയ്തതായി കാലാവസ്ഥാ വകുപ്പ്. 16 ശതമാനം അധികം മഴയാണ് ഓഗസ്റ്റിൽ ഇന്ത്യയിൽ രേഖപ്പെടുത്തിയത്. അതേ സമയം ഹിമാലയത്തിന്‍റെ താഴ്വരയിലുള്ള പല ജില്ലകളിലും വടക്കു കിഴക്കൻ പ്രദേശത്തും സാധാരണയിൽ കുറവ് മഴയാണ് ലഭിച്ചത്. കേരളമടക്കമുള്ള സംസ്ഥാനങ്ങളിൽ മഴയുടെ കുറവ് രേഖപ്പെടുത്തിയതായി അദ്ദേഹം വ്യക്തമാക്കി.
വടക്കു പടിഞ്ഞാറൻ ഇന്ത്യയിൽ 253.3 എംഎം മഴയാണ് പെയ്തത്. 2001 ഓഗസ്റ്റിലാണ് ഇതിനു മുൻപ് ഇത്രയധികം മഴ രേഖപ്പെടുത്തിയിട്ടുള്ളതെന്നും കാലാവസ്ഥാ വിഭാഗം വ്യക്തമാക്കി.
ഓഗസ്റ്റിൽ ഇന്ത്യ 248.1 എംഎം മഴയാണ് പ്രതീക്ഷിച്ചിരുന്നതെങ്കിൽ 287.2 എംഎം മഴ ലഭിച്ചുവെന്ന് ഐഎംഡി ഡയറക്റ്റർ ജനറൽ മൃത്വുജ്ഞയ് മോഹപത്ര വാർത്താസമ്മേളനത്തിൽ വ്യക്തമാക്കി. ജൂൺ 1 മുതലുള്ള മൺസൂൺ കാലത്തിൽ 749 എംഎം മഴയാണ് ഇന്ത്യയിൽ പെയ്തത്.