2024 ജനുവരിയിലാണ് യുവതിയുമായി വാട്‌സ്ആപ്പ് ടെലിഗാം ചാറ്റിലൂടെ പ്രതികള്‍ ബന്ധപ്പെട്ടത്. പാര്‍ട് ടൈം ജോലി വാഗ്ദാനം ചെയ്താണ് സമീപിച്ചത്. ഇതിനായി ഓണ്‍ലൈന്‍ ടാസ്‌കുകളും നല്‍കി. 25 മുതല്‍ 30 വരെയുള്ള തീയതികളില്‍ പരാതിക്കാരിയുടെ 2 ബാങ്ക് അക്കൗണ്ടുകളില്‍ നിന്നായി 25 ലക്ഷത്തിലേറെ രൂപയാണ് തട്ടിയെടുത്തത്. പണം വിവിധ സംസ്ഥാനങ്ങളിലുള്ള ബാങ്ക് അക്കൗണ്ടുകളിലേക്ക് അയച്ചാണ് തട്ടിപ്പ് ആസൂത്രണം നടത്തിയത്. അറസ്റ്റിലായ ഷാജഹാന്‍ തട്ടിപ്പിലൂടെയുള്ള പണം കൈക്കലാക്കുന്നതിനായി മാത്രം പുതിയ ബാങ്ക് അക്കൗണ്ട് തുടങ്ങിയതായി പൊലീസ് പറഞ്ഞു.
ഈ അക്കൗണ്ടിലെത്തിയ പണം മറ്റു പ്രതികളുടെ സഹായത്താല്‍ ചെക്ക് മുഖേനയാണു പിന്‍വലിച്ചത്. കൊച്ചി സിറ്റി പൊലീസ് കമ്മിഷണറുടെ പ്രത്യേക നിര്‍ദേശപ്രകാരം, ഓണ്‍ലൈന്‍ തട്ടിപ്പ് കേസുകളില്‍ കേരളത്തിലുള്ള അക്കൗണ്ട് ഉടമകളെ കേന്ദ്രീകരിച്ച് നടത്തിയ അന്വേഷണത്തിലാണ് പ്രതി പിടിയിലായത്.