ന്യൂഡൽഹി: ആർബിഐ കലണ്ടർ പ്രകാരം ഒക്റ്റോബർ മാസത്തിൽ 15 ദിവസം ബാങ്ക് അവധിയായിരിക്കും. ഇതിൽ ചില അവധികൾ പ്രാദേശികമായി നൽകുന്നതാണ്. കേരളത്തിൽ 8 ദിവസമായിരിക്കും ബാങ്കുകൾ അടഞ്ഞു കിടക്കുക.
ഒക്റ്റോബർ 2 (ബുധൻ) ഗാന്ധി ജയന്തി, ഒക്റ്റോബർ 12ന് (രണ്ടാം ശനി) മഹാനവമി, 13 (ഞായർ) വിജയദശമി, 31 ന് (വ്യാഴം) ദീപാവലി എന്നിവയാണ് കേരളത്തിലെ പൊതു അവധി ദിനങ്ങൾ. ഇതു കൂടാതെ ഒക്റ്റോബർ 26 നാലാം ശനി, 6,20, 27 എന്നീ ഞായറാഴ്ചകളും അടക്കം 8 ദിവസമാണ് ബാങ്ക് അവധി.