കോൺഗ്രസ് നേതാക്കൾ ഹോട്ടലിൽ കള്ളപ്പണം കൊണ്ടുവന്നുവെന്ന ആരോപണം ബലപ്പെടുത്താൻ ദൃശ്യങ്ങൾ പുറത്ത് വിട്ട് സിപിഎം .ഹോട്ടലിലെ ഇന്നലത്തെ സിസിടിവി ദൃശ്യങ്ങളാണ് സിപിഎം പുറത്ത് വിട്ടിരിക്കുന്നത്.ദൃശ്യങ്ങളിൽ നീല ട്രോളി ബാഗുമായി കെഎസ്‍യു നേതാവ് ഫെനി നടന്നുപോവുന്നത് വ്യക്തമാണ്.ഷാഫി പറമ്പിൽ എംപി, ശ്രീകണ്ഠൻ എംപി, ജ്യോതികുമാർ ചാമക്കാല എന്നിവർ കെപിഎം ഹോട്ടലിലേക്ക് കയറുന്നതും ദൃശ്യങ്ങളിൽ വ്യക്തമാണ്.നിർണായകമായ സിസിടിവി ദൃശ്യങ്ങൾ പുറത്തുവിടുമെന്ന് സിപിഎം നേരത്തെ പറഞ്ഞിരുന്നു. പിന്നാലെയാണ് നീല ട്രോളി ബാഗുമായി കെഎസ്‍യു നേതാവ് കടന്നുവരുന്ന ചിത്രങ്ങൾ പുറത്ത് വന്നത്.