''മഹാരാഷ്ട്രയിലെ ജനങ്ങൾ ഞങ്ങൾക്ക് അഭൂതപൂർവമായ വിജയമാണ് നൽകിയത്. ജനങ്ങൾ പ്രധാനമന്ത്രി നരേന്ദ്ര മോദിക്കൊപ്പമാണെന്നാണ് ഇത് കാണിക്കുന്നത്. 'ഏക് ഹേ തോ സേഫ് ഹേ' എന്ന മുദ്രാവാക്യത്തിന് അനുസൃതമായി, എല്ലാ വിഭാഗത്തിലും പെട്ടവരും ഒറ്റക്കെട്ടായി ഞങ്ങൾക്ക് വോട്ട് ചെയ്തു. ഇതൊരു ഐക്യത്തിന്‍റെ വിജയമാണ്''- ഫഡ്നാവിസ് പറഞ്ഞു.
2014-ൽ 122 സീറ്റുകൾ നേടി പാർട്ടി എക്കാലത്തെയും മികച്ച പ്രകടനം കാഴ്ചവച്ചപ്പോൾ പാർട്ടിയുടെ ഒരു പ്രമുഖ ബ്രാഹ്മണ മുഖമായ ഫഡ്‌നാവിസിനെ ബിജെപി നേതൃത്വം സംസ്ഥാനം നയിക്കാൻ തെരഞ്ഞെടുത്തു. 2019 നവംബർ 23 ന് ഫഡ്നാവിസ് രണ്ടാം തവണയും മുഖ്യമന്ത്രിയായി സത്യപ്രതിജ്ഞ ചെയ്തു. എന്നാൽ സുപ്രീം കോടതി ഉത്തരവിട്ട അവിശ്വാസ പ്രമേയം നടക്കുന്നതിന് മുമ്പ്, മുഖ്യമന്ത്രിയായി സത്യപ്രതിജ്ഞ ചെയ്ത് മൂന്ന് ദിവസത്തിന് ശേഷം നവംബർ 26 ന് ഫഡ്നാവിസ് രാജിവയ്ക്കുകയായിരുന്നു.