ഏറ്റുമാനൂർ തെള്ളകത്ത് നിയന്ത്രണം നഷ്ടമായ ബുള്ളറ്റ് വാഗണർ കാറിലും റോഡരികിൽ നിർത്തിയിട്ട മിനി വാനിലും ഇടിച്ച് യുവാവ് മരിച്ചു

കോട്ടയം: ഏറ്റുമാനൂർ എംസി റോഡിൽ തെള്ളകത്ത് നിയന്ത്രണം നഷ്ടമായ ബുള്ളറ്റ്  വാഗണർ കാറിലും റോഡരികിൽ നിർത്തിയിട്ട പിക്കപ്പിലും ഇടിച്ച് യുവാവിന് ദാരുണാന്ത്യം. ഇടുക്കി സ്വദേശിയായ യുവാവാണ് മരിച്ചത്. ഇടുക്കി കോടികുളം വാഴപ്പറമ്പിൽ വി.ഒ മാത്യുവിന്റെ മകൻ അരുൺ മാത്യു (26) ആണ് മരിച്ചത്.  വൈകിട്ട് ആറരയോടെ എംസി റോഡിൽ തെള്ളകത്തായിരുന്നു അപകടം

അരുൺ സഞ്ചരിച്ച ബുള്ളറ്റ് എതിർദിശയിൽ നിന്നും എത്തിയ വാഗണർ കാറിൽ ആദ്യം ഇടിയ്ക്കുകയായിരുന്നു. ഇടിയുടെ ആഘാതത്തിൽ നിയന്ത്രണം നഷ്ടമായ ബുള്ളറ്റ് റോഡരികിൽ നിർത്തിയിട്ടിരുന്ന മറ്റൊരു പിക്കപ്പ് വാനിൽ ഇടിയ്ക്കുകയായിരുന്നു.