മസ്കത്ത് മസ്‌കത്തിൽ മലയാളി യുവാവ് ഹൃദയാഘാതം മൂലം മരിച്ചു.
കണ്ണൂർ, തലശ്ശേരി പുന്നോൽ സ്വദേശി മുഹമ്മദ് ജബ്‌സീർ (33) ആണ് മസ്കത്ത് മബേലയിൽ മരിച്ചത്. ഭാര്യയും മക്കളും ഒമാനിലേക്ക് വരാനിരിക്കുകയായിരുന്നു.
ജബ്‌സീറിന് ദേഹാസ്വസ്ഥം അനുഭവപ്പെട്ടതിനെ തുടർന്ന് അടിയന്തിരമായി മബേലയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു. ആശുപത്രിയിൽ വെച്ചായിരുന്നു മരണം.
കുറിച്ചിയിൽ ആയിഷാ മഹലിലെ ജലാലുദ്ധീൻ, ഖദീജാ ദമ്പതികളുടെ മകനാണ് മുഹമ്മദ് ജബ്‌സീർ. ഭാര്യ: നഫീസത്തുൽ സീബ. ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം തുടർ നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.
