മുസ്‌ലിംകള്‍ക്കെതിരെ വർഗീയ വിഷം തുപ്പി വീണ്ടും ബിജെപി നേതാവ് പി.സി ജോർജ്. ഇന്ത്യയിലെ മുസ്‌ലിംകള്‍ മുഴുവൻ വർഗീയവാദികളാണ്.വർഗീയവാദിയല്ലാത്ത ഒരു മുസ്‌ലിമും ഇന്ത്യയിലില്ല. ആയിരക്കണക്കിന് ഹിന്ദുക്കളെയും ക്രിസ്ത്യാനികളെയും മുസ്‌ലിംകള്‍ കൊലപ്പെടുത്തിയിട്ടുണ്ട്. തുണി പൊക്കിനോക്കി മുസ്‌ലിമല്ലെന്ന് കണ്ടാല്‍ കൊല്ലുന്നതാണ് അവരുടെ രീതിയെന്നും പി.സി ജോർജ് പറഞ്ഞു. ‘ ടിവി’ ചർച്ചയിലായിരുന്നു ജോർജിന്റെ അധിക്ഷേപം.
മുസ്ലിം ലീഗ് വർഗീയ പാർട്ടിയാണ്. പാലക്കാട് ഉപതെരഞ്ഞെടുപ്പില്‍ കുഞ്ഞാലിക്കുട്ടിയും കെ.ടി ജലീലും എസ്ഡിപിഐയും പിഡിപിയും ജമാഅത്തെ ഇസ്‌ലാമിയും എല്ലാം യോഗം ചേർന്നു. മുസ്ലിം തീവ്രവാദസംഘടനകള്‍ ഒരുമിച്ച്‌ കൂടി ബിജെപിയെ തോല്‍പ്പിക്കാൻ തീരുമാനിച്ചു. 44000 വോട്ടാണ് കോണ്‍ഗ്രസിനായി ഒരുമിച്ച്‌ ചെയ്തത്. അങ്ങനെയാണ് ബിജെപിയെ തോല്‍പ്പിച്ചത്. ഈരാറ്റുപേട്ടയില്‍ മുസ്ലിം വർഗീയതയുണ്ടാക്കിയാണ് തന്നെ തോല്‍പ്പിച്ചതെന്നും പി.സി ജോർജ് ആരോപിച്ചു.