വിവാഹ വാഗ്ദാനം നൽകി യുവതിയിൽ നിന്നും 19 ലക്ഷം തട്ടിയെടുത്തു; പ്രതി അറസ്റ്റിൽ

കൊച്ചി: വിവാഹ വാഗ്ദാനം നൽകി യുവതിയിൽ നിന്നും 19 ലക്ഷം തട്ടിയെടുത്ത കേസിൽ പ്രതി അറസ്റ്റിൽ. തൃശൂർ എടക്കുളം പാളയംകോട് സ്വദേശിനി നിതയാണ് (24) അറസ്റ്റിലായത്. കളമശേരി പൊലീസാണ് നിതയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

വേ ടു നിക്കാഹ് എന്ന ഓൺലൈൻ മാട്രിമോണി സൈറ്റിൽ വ‍്യാജ ഐഡി ഉണ്ടാക്കിയായിരുന്നു തട്ടിപ്പ്. ആലപ്പുഴ സ്വദേശിനിയാണ് തട്ടിപ്പിനിരയായത്. കേസിൽ ഒന്നാം പ്രതിയാണ് നിതയുടെ ഭർത്താവ്. ഇരുവരും ചേർന്നാണ് തട്ടിപ്പ് നടത്തിയത്. ഭർത്താവ് വിദേശത്താണെന്നാണ് വിവരം.