നെടുങ്കണ്ടം: നെടുങ്കണ്ടത്ത് അസം സ്വദേശിനിയായ യുവതിയെ ബലാത്സംഗം ചെയ്തതായി പരാതി. സംഭവത്തിൽ നാല് പേരെ പൊലീസ് അറസ്റ്റ് ചെയ്തു. അസം സ്വദേശി സദ്ദാം, അജിമുദീൻ, കൈറുൾ ഇസ്ലാം, മുക്കി റഹ്മാൻ എന്നിവരാണ് പിടിയിലായത്.
പ്രദേശത്തുള്ള ഒരു ഹോട്ടലിൽ ഭക്ഷണം കഴിക്കാൻ കയറിയപ്പോഴാണ് ഇവർ അസം സ്വദേശിയായ സദ്ദാമിനെ പരിചയപ്പെട്ടത്. ഒരു ജോലിയും താമസിക്കാൻ സ്ഥലവും തരപ്പെടുത്തി തരണമെന്ന് ഇവർ സദ്ദാമിനോട് ആവശ്യപ്പെട്ടു. തുടർന്ന് സദ്ദാം ഇവരെ അയാളുടെ മുറിയിലേക്ക് കൊണ്ടുപോയി. മുറിയിൽ വെച്ച് സദ്ദാം യുവതിയെ ബലാത്സം ഗം ചെയ്തുവെന്നാണ് പരാതി.
അറസ്റ്റ് ചെയ്യപ്പെട്ട നാല് പേരും ശാരീരികമായി ഉപദ്രവിച്ചതായും പരാതിയിലുണ്ട്. യുവതിയുടെയും കുടുംബത്തിന്‍റെയും സാധനങ്ങൾ സദ്ദാമിന്‍റെ മുറിയിൽ നിന്നും എടുത്തു തരണമെന്നാവശ്യപ്പെട്ട് നെടുങ്കണ്ടം പൊലീസ് സ്റ്റേഷനിൽ ശനിയാഴ്ച രാവിലെ ഇവർ പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് പീഡനവിവരം പുറത്തുവന്നത്. തുടർന്നാണ് നാല് പേരെയും പൊലീസ് അറസ്റ്റ് ചെയ്തത്.