ആർ.ജി. വയനാടൻ എന്ന് അറിയപ്പെടുന്ന രഞ്ജിത്ത് ഗോപിനാഥനെയാണ് ഞായറാഴ്ച പുലര്ച്ചെ മൂലമറ്റം എക്സൈസ് ഇൻസ്പെക്ടർ കെ. അഭിലാഷും സംഘവും പിടികൂടിയത്. ഇയാളിൽ നിന്നും 45 ഗ്രാം അതീവ വീര്യമേറിയ ഹൈബ്രിഡ് കഞ്ചാവ് കണ്ടെടുത്തു.
ആവേശം, പൈങ്കിളി, സൂക്ഷ്മദർശിനി, രോമാഞ്ചം, ജാനേമാൻ തുടങ്ങി നിരവധി സിനിമകളിൽ മേക്കപ്പ് മാനായി രഞ്ജിത് പ്രവർത്തിച്ചിരുന്നു. എക്സൈസ് വകുപ്പിൻ്റെ 'ഓപ്പറേഷൻ ക്ലീൻ സ്റ്റേറ്റ്' പരിശോധനയുടെ ഭാഗമായി എക്സൈസ് സംഘം നടത്തിയ വാഹന പരിശോധനയിലാണ് പ്രതിയെ പിടികൂടിയത്.
അസിസ്റ്റൻ്റ് എക്സൈസ് ഇൻസ്പെക്ടർ (ട്രെഡ്) അജിത്ത് കുമാർ, പ്രിവൻ്റീവ് ഓഫീസർ (ട്രെഡ്) രാജേഷ് വി.ആർ, സിവിൽ എക്സൈസ് ഓഫീസർമാരായ അഷറഫ് അലി, ചാൾസ് എഡ്വിൻ എന്നിവരും നടപടിയിൽ പങ്കെടുത്തു.