കോഴിക്കോട്: മയക്കുമരുന്നിന് അടിമയായ മകനെ പൊലീസിനു കൈമാറി അമ്മ. കോഴിക്കോട് എലത്തൂർ സ്വദേശി രാഹുലിനെയാണ് പൊലീസ് അറസ്റ്റ് ചെയ്തത്. ചോദിച്ച പണം കൊടുക്കാത്തതിനെ തുടർന്ന് ഇയാൾ നിരന്തരം കൊലവിളിയും ആത്മഹത്യാ ഭീഷണിയും മുഴക്കാറുണ്ടായിരുന്നതായി അമ്മ പറയുന്നു. വീടിനുള്ളിൽ പോലും മകൻ പതിവായി മയക്കുമരുന്ന് ഉപയോഗിക്കാറുണ്ടായിരുന്നു.
പലതവണ അക്രമാസക്തനായ ഇയാളെ പുനരധിവാസ കേന്ദ്രത്തിലും പ്രവേശിപ്പിച്ചിട്ടുണ്ട്. തന്നേയും മുത്തശ്ശിയെയും കൊല്ലുമെന്ന് ഭീഷണിപ്പെടുത്തുകയും സഹോദരിയുടെ കുട്ടിയെ കൊല്ലുമെന്നും മകൻ ഭീഷണിപ്പെടുത്തിയിട്ടുണ്ട്.
ഇതേ തുടർന്ന് അമ്മ പൊലീസിനെ വിവരമറിയിക്കുകയായിരുന്നു. മയക്കുമരുന്ന് പോക്സോ ഉൾപ്പെടെ നിരവധി കേസുകളിൽ പ്രതിയായ രാഹുലിനെ പൊലീസ് വെള്ളിയാഴ്ച അറസ്റ്റ് ചെയ്തു.